"وأد القلوب"
بقلم: ورده الــخُــــزام
احتاجُ بيتاً هادئاً يوماً اذا فيه ارتمت ينسمع صوت الابره ..
احتاج صدراً واسعاً ما عاد صدري يحتمل كسرت ضلوعي العبرة ..
وبالضحكة حيل استعجلت فرحان داويت الغصن ثاري المرض بالشجرة ..
-مُهند العزاوي
^^^^^^^^^^^^^^^
بـــــارت 2️⃣
هو طلع وهي سدت الباب ورجعت تريد تصعد بس حطت رجلها ع اول بايه من الدرج فجأة جان تلفتت ناحيتي! جمدت بمكاني ...اذا تشوفني تموتني خلاص! ،ومحد بالبيت گمت ارجف وادعي ياربي متشوفني، دارت وجهه وتتلفت بالاستقبال اخذتلها شوي وراها صعدت الدرج وهي تصيح نااااز، لج نازز وينج؟
اني بس صعدت ركضت للمطبخ وسويت روحي اغسل بالاماعين. بس شنو جسمي لسه يرجف خوف من الي شفته گدامي وخوف منها خاف تأذيني .. اذا هي جنت كلشي مااسوي وتچويني هسه اذا درت اني شفتها هيج مااضمن شنو تسويلي!
ماحجيت لأحد الي شفته ابد، وهي بس يطلعون تخلص الوقت كله كاعده بغرفتها وقافلتها، مااعرف اذا اجاهه بعد هذا الولد لو لا، بس هي دوم قافله غرفتها ..
مرت الايام و وضعيتي بالنازل لدرجه صرت جلد وعظم والوجه شاااحب عبالك طالعة من القبور. لحد ما فد يوم صادف يوم جمعة كلها بالبيت ماكو دوامات .. اجتي خالة ابوية مرة چبيرة بالعمر. اني جنت نايمة بغرفتي بعد ماجزعوا اهلي من المستشفيات والدكاترة وماكو نتيجة. بوقتها جانت ماما يمي توسلت انزل وياهم ليجوة بس ماقبلت لان جنت منتهية مابيه اتحرك ابدد ف ملت مِڼـّي وخلت ونزلت ..
وقت الغدة اني ع نومتي واتگلب من الوجع، دخلت خالة ابوية لغرفتي بس شافتني وهي شهگت …
- ياااا خاايبة شبيها بتج ولج مريم! اسم الله الرحمن شصايبها البنية؟
تحجي وتگلب بوجهي منا انوب ترجع ع جسمي ايدي تتفحصني كلي ..
مريم: ماادري خالة، والله ماخلينا بيها لا دكتور لا مستشفى تعتب علينا، بس ماكو فايده
- ولج مريمااان شنهي تسوين روحج زغيرونه وماتعرفين! ،ولج البت مسحورة ذيج وياهه مبينه حتى المايفتهم هم يعرفها
- ياا خالة شجاج منو يسحرلها قابل؟ طفلة منو اله وياهه شي ويسويلها سحر!
- انا ادري ؟ المايخافن الله هواي يجوز وحدة جربت بيها، البت منتهيه تحجين صدك انتِ؟
- اي شمعرفني يا خالة اشو طفلة لا مأذيه احد لا هاي .. حتى ماتخطر ع بالي هاي السالفه والله
- دگومي گوومي خل ناخذها نتلاحكها لا تموت بتج منتهية! ،نزلت كدام ماما وهي تحجي ع امي، امهات تالي وكت والله يا الله بتها راح تموت گبالها وهي مفهية، والله شني؟ اخذتها دكتور ومستشفي ومافاد بيها چا شلون تضلين تعاينيلها لمن تموت يلا تتحركين انوب!
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
