وأد القلوب

Part 25

"وأد القلوب "

بقلمي: ورده خُزام

- مدري وين
ومدري ليش
بين أموت .. وبين أعيش !
شايل جناحي أرد أبيعة
وطلع جنحي بلاية ريش !!

-مُهند العزاوي

★★★★★★★★★★

بـــــــــــــارت 2️⃣5️⃣

ميحس الا اجا صوت من وراه ..

عمر: تكسر راسمن ولك؟ !!
حجاهه
وانطاه بوكس على وجهه... يضربه ويگوله
- شلوون تمد ايدك عليهاااا منو سمحلك عاااار!

تضاربو هو وعمر على صوتهم اجو ابويه وعمي والي موجودين فاككوهم ،وگفت على صفحه خايفه وشي من الندم لان تفلت عليه وبسببي كبرت السالفه لو مخليته امسلت ومولي ..

فاككوهم وهو وگف يم الباب وصاح:
- ناززز الي واني ناهيييي عليهااا سمعتوووو عسما تضل معلگة سنين ماافك نهوتي

احمد هو سمعه هيج حجه هجم عليه لزمه من رگبته خنگه فاتح عيونه على كبرهن ويصرخ بيه:

-عيييييد شگلتتتت
وذاك يرده بكل عين صلفه: نازز الي وناهي عليهاا وغصب عنكم كلكممم

بس حجاهه لزمه ورگع راسه بالحايط، وذاك يرجع يعيدها بوجهه بشكل اقوى ويرجع يضرب راسه بالحايط... احمد ضخم وعنده عضلات صار مثل العصفور بأيده يردون يسحبونه منه ماكو!
وهسه غير يسكت ابددد.  ماهده من ايده لمن دماه تالي اخذه عمي وطلع زعلان ..

اني بس طلعوا واحس جسمي كام يرجف من الخووف ضلت ماما تذب مي بوجهي وتسمي عليه وتتحسب عليهم.

احمد من هدأ شوي اجه وجهه كله قلق ويسألني:
-ها بووية ناز شبيج؟
-لا تنطوني اله فدوة احمد! ،حجيتها اتوسله بعيوني وبجيت
تقرب اخذني تحت جناحه ويمسح على راسي ويگولي:
- شبيج مخبلة ابويه انتِ! وربج الا احنه جوة التراب يلا عود ساعتها خافي ..
لتهتمين  لواحد زبالة
هدأت شوي من سمعت كلام احمد.. وبابا هم جان مقابل على حجيه ف اطمئنيت.

صعدت الغرفتي ونمت، طبيعتي من انقهر لو يصير وياي شي اتهرب من واقعي بالنوم .. كعدت على صوت صياح من جوة نزلت اركض، واني داركض ع الدرج فرزنت الاصوات صوت احمد من بينهن وصوت هذا ابن عمي النذذذل .

لكيت امي وشهد جايتنه، كاعدات يتسمعن للحجي ووجوهن كلها خوف وقلق .. رحت لشهد

- شكوو شهد شنو هالصياح؟! شصاير عفيةة!
- سكتي لج هذا ابن عمج جايب ابوه وكومه ناس ويگلهم نازز الي وناهي عليها ومتصير لغيري الا على جثتي
واخوانج حاروا شلعبوا بخلقته دمووه تدمي، يهده احمد يستلمه مهيمن يهده مهيمن يستلمه عمر وهو صاير خرگه بأيدهم ولسانه ميسكت يرعد اخذهه اخذهه.

مارديت عليها بس الخوف اكل گلبي لا يتأذون اخواني من وراي، لو احمد الي دمه فاير وعصبي لا انوب طگه من الطگات لنه ميت بيده وتالي يبتلي بي.