وأد القلوب

Part 29

"وأد القلوب "

بقلمي :ورده خُزام

أني فُرصة وُ اذَا أحبك
إستغلني !
مِن أديرن ظهَري عِنك
لو هَوُى الله يصَير يمك مَا يردَني .

★★★★★★★★★★

بــــــــارت 2️⃣9️⃣

رحت الغرفة نغم لكيتهم مكملين، بالطريق نغم نامت الا اني من الفرح والسعادة الي بيها ماغمضتلي عين، ساعتين ونص وصلنا بغداد ..

بابا الي فتحلنا الباب حضني لصدره ويگولي:
- ولج والله انتي شمعة البيت ومن رحتي طفت ،البيت من دونج ميسوه ورجع حضني ويبوس بيه

ضحك على صوت نغم الي عاطت بيه متنرفزة وغيرانه: 
- شلووون بله احنه مالنه حصه بيييك!

عافني وراح الها حضنها وهو يضحك ..

دخلنا لجوة لكينا بيبي هم موجوده بس شافتني صاحت:
- يمه هلا بنووويزه خاب توه نوور البيت
- هلا بيج وجه الطاوة اا قصدي بيبي

اجت حصنتني وباوستني وتردد افييش ولج والله البيت من دونج وحش

وراهه سلمت على ماما وهم احضان ومباوس وانوب تشبك بينا اني ونغم وتبجي عبالك چنه بالحرب ..

ترخصت منهم وصعدت الغرفتي توه بين بيه التعب عيوني قفلت كلشش. 

مافزيت الا على مي بااارد ثلج نشمر بوجهي گمزت گمزة دخيلك يا محمد، اباوع مهيمن وعمر سكرانين من الضحك .. وكفت ع الجرباية على طولي نعلت وغلطت ورزلت سبيت هيج منكم ادبززيه حقراء حياووين لحد ماتعبت انوب فتحتلهم اديه اجو اثنينهم حضنوني ويبوسون بيه

كتلهم: ميته عليكم ولكم معفنييين الكم وحشة هالكبرها

كعدو يحجولي ع غيابي شلون البيت وحش عليهم ومحد يعارك وياهم ... للساعة ب 5 العصر كتلهم

- يلا نزلو صبولي اكل جعت

حجه عمر معترض:  شوفي لج صح مشتاقيلج بس لا تستغلينا؟
- هههههههههههه لا  الله عليكم ، والنبي ميتة تعب وجوعانه ومابيه انزل

نزلو يصبون وهمه يتكرضمون .. بس راحو ركضت على تليفوني لكيته محترك حررك مكالمات 55 مكالمة ماعدا الرسائل بالبدايه سلام وغزل وراهه كايم يلح اخر شي نازل عليه غلط وفشاير

ضليت خايفه اخابر لو اعوفه؟ هو بهيج لحظات يخوف ،بعدني ماحاسمه امري ودك التليفون بأيدي ركضت ع الباب قفلته ودست رد ..

- الوو

ردلي بصوت طورش اذني: ومررررررررض وين جنتي ادك من الصبح ليجاي!!! ،متگولين هذا ابن الكلب ضال باله؟؟
اذا ماانعل والديج اليوووم اني الج

حجيت بصوت كله دلع احاول اهدئه:  ريلاكسس همامي حياتي حبيبي انت

هدأت انفاسه كام بس يستمعلي كملت .. يروحها لنازتك شنوو زعلان عليييه؟  اي مو توودري بيه منمت الليل كوله وتعب الطريق وعيونك جنت نايمه وماادري بالتليفون