"وأد القلوب "
بقلمي: ورده الخُزام
كّبال عيني انباع حلمي
وما عرفت انباع بيش
ومدري وين
ومدري ليش
- مُهند العزاوي
•••••••••••••••••••••••••
بــــــارت 6️⃣
رفل:
رحت ثاني يوم داومت واني بالي كلة يم ناز حالتها خوفتني كُلش حتى مااعترضت ولا حجت شي .. كاعدة بمكاني المعتاد واجاني سلم وگعد يمي ع نفس المسطبة، منا اني فايرة روحي وبالي كلة يم ناز ومنا متحملة عليه بسبب الي سمعته منه .. عطت بي بعلوو صوتي …
- خييررر شكوو گاعد يمي شكووو؟ شو انت زودتها كُلش تجي وتگعُد بكيفك اليشوفك يگول صديقي لو حبيبي!! فهمني سالفتك شنوو تراا مناقصة اني
اول مرة اتصرف بهالشكل بالعادة ابد صوتي ميطلع بس اعصابي جانت كُلش تلفانة وهذا زادها عليه .. اباوع شكم طالب ضلوا يباوعون بتساؤل، وهو ولا عبالك بلاعيمي كامت توجعني من الصياح ، وهو على گعدته وحاط رجل ع رجل ،حجه ببرود بس ابد ماغاب عني القلق الجان واضح ع وجهه …
- على كييييفج منا الطلاب اولا!! ،وثاني شي ليش هيج حالتج؟ شصاير
- شعلييييك شعليييك يااخي عجيب انت!
- رفللل كافي خبال اهدي دنحجي ..
- اوووك اوك، احجي واهز براسي عدة مرات واعصابي مو بس تلفتت لا اتحطمت ونفذ صبري … اووك انت الظاهر متفهم بالعيني واغاتي
-ها وتذكرت انت شعبالك اني مااعرف شنو نيتك تجاهي؟ !!
بس حابة اوضحلك شي مهم، اني مو من الاشكال الي دتحوم عليهن، ف روح حوم بعيد عني
- اي بلة شنو نيتي دكتورة رفل حجاهه وشبك اديه ع صدرة
-تدور طيحان حظ
بس حجيتها وهوة طگها بضحكة واكتافه تهتز.. خلصت نوبة الضحك مالته واني اباوع بشكل معاجبني، كح وهو يعدل من وضعه بسبب نوبه الضحك ورجع لوضعه الطبيعي، حجه …
- تمام، هسه خلي نوضح وحدة وحده بس قبلها اروح اجيبلج مي حتى تبرد اعصابج ،غير هيج ترا الخدود وجت نااار يولي
حجاهه وكام، واني بسرعه مديت ايدي اتلمس خدودي، صُدك جان وجهي كلة حار، نرفزني حييل خاصه ابروده، شوي واجه وهو جايب بطلين مي، گعد اخذ واحد اله ومدلي بطل
ضليت اهز برجلي وعيوني موجهته ليگدام مااباوع عليه ، هو خلاه بحضني وفتح بطلة ديشرب .. شرب وسد البطل مالته وگال …
- تردين اوضحلج اني شنو اريد منج مو؟
- هزيت راسي
- دشربي مي، ترا ماحاطتلج بي شي
- فتحت البطل وشربت، جنت عطشانه طيرت نص البطل، صدت عيني عليه اباوعله مصفن بيه ومبتسم، اني من شفته يباوع عليه كبل سديت البطل وخليته يمي، بده يحجيلي …
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
