وأد القلوب

Part 33

"وأد القلوب"

بقلمي: ورده خُزام

★★★★★★★★★★

بـــــــــارت 3️⃣3️⃣

طلعت للحديقة مختنگة ،صافنه وفززني صوت التليفون همام ديتصل

جاوبته بجرت نفس
گال: ها حبيبي؟
بس حجه بجيت
سكت هو عرف السالفه ..
ضل يسكتني ويهديني: اشش حبيبي كافي تبجين!
احنه جنه مخلين هالاحتمال لولا؟
هزيت راسي: امم
- خلص
اني گايلج لو ارجع اطلبج 100 مره هم ماامل الا ان يوافقون ويگلولي شو اخذها وفكنا!
- تنهدت وابتسمت
- رخه صوته گال بصوت حنون: هاي الدموع كلها علمودي كيكايتي؟
- لا تتخلى عني اموت والله
قاطعني .. ناز شحجينا؟
سكتت
- يلا حبيبي روحي صلي واقريلج صفحتين قرآن خلي ترتاح نفسيتج وعوفي كلشي على الله وعليه

رحت توضيت وصليت شوي ارتاحيت، خلصت صلاة رجع اتصل ها تعشيتي؟
- لا
- يلا يلا شو گومي تعشي لشوف؟
- حجيت بعدم مبالاة: اوك

گمت صبيتلي اكل وگعدت بالحديقة اكل، فتحت التليفون صورت الاكل ودزيته اله
بسرعه ردلي: عوافي ع گلب حبيبتي

مرت الايام وموضوع خطوبتي بعد ماانفتح واهلي سدوا من يمهم ..

بيوم گاعدين سوه اني والولد وشهد .. گامو يتأفافون ضوجه وضوجه
گالو خلي نطلع بالليل نغير جو؟
- ياريت والله الملل يقره مليووون

بهالفترة نغم رجعت الكربلاء وشهد بقت يمنه ..
شهد بس سمعت بالطلعة گمزت: اي اي نطلع

اني اتراسل وي همام واحجي وياهم .. كتبتله
- حبيبي بالليل نطلع اني واهلي
- وين؟

شلت راسي سألتهم وين حنطلع؟
گال مهيمن: بالبدايه للمنصور نتعشة وراهه نروح للمول

كتبله …
ردلي: تمام

لشوي واجت عمتي هي وزوجها ضلينا كاعدين يمها وجرتها 4 ساعات يلا راحت.

وره ما راحت صعدنا الغرفنا نبدل .. فتحت كنتوري محتارة شلبس؟

اخذتلي صفنه ع الملابس بعدين اختاريت
قميص اسود شوي عريض وبنطلون وكعب احمر ..
دخلت سبحت وطلعت شسورت شعري وبدلت خليت مكياج خفيف بس الحمره طوختها ..

اندك الباب ودخل مهيمن: ها ناز كملتي؟
شلت راسي: اي هياتني اجيت
خله اديه بجيوبه ويباوعلي من فوك ليجوه ببتسامه
- شبيك؟
ابتسم: داافكر الياخذج هم هيج مرتب مثلج؟
ضحكت اتذكرت همام اخس مني كشاخ درجه اولى!

دخلت شهد لابسه كيمونه سوده وبنطلون اسود وفوكاهه جاكيت  كابوي عريضه .

طلعنا من البيت اول شي للمطعم، گعدنا ع الطاولة
گال مهيمن : اي ست ناز شتاكلين؟
عدلت گعدتي: بيتزا وببسي
التفت الشهد: وانتي ست شهد؟