"وأد القلوب"
بقلمي: وردة الخُــــزام
وشحچيلك على القلق!
والله الليلة المضت
حسيت روحي طفل ومتيه بمگبره ..
-مُهند العزاوي
★★★★★★★★★★★★
[ي جماعة الي يخاف من الرعب او الگوثك بشكل عام خلي يعبر المشاهد الي بهالخصوص ... البارت الي فات كوومه بنات راسلوني خايفات واكو حتى بقن يبجن من الي قروا .. ف اعتذر منكم المفروض انوه الهالشي قبل البارت بس راحت عن بالي .. ]
بـــــــــارت 1️⃣6️⃣
-ماماتي اني راح اصلي مو تطلعين لبعيد، انتِ و زوزه هنا لعبن بالباب
- اي ماما
- هي وينها؟ شو اليوم ماشفتها اجتج
-ماادري هسه اصيحها
-ديلا مو تروحين منا منا، گبل لبيتهم
طلعت بفرح فد افررح من اطلع بره ونگعد نلعب اني وصديقتي ،طلعت ووگفت باب بيتنا واباوع الولد اكو يلعبون طوبه بالفرع، والبنات يكعدن بالباب وهم يجمعن سويه ويلعبن .. مشيت حتى اصيح لزوزه حتى احنه هم نگعد نلعب سوه، بيتهم يصير شوي عنه، ف دا امشي ولاگاني ابن عمي صاحني من بعيد رحت ركضض اله،گال:
- تعاي ملوكه ابوج وصاني اصيحج
- ارفع راسي واشنهك يلا الوح احجي وياه، طويل واكبر مني، تذكرت كلامهم البارحه بس اني اخاف شلون اتزوج هذا وهو طويل وجبير، غير كون اتزوج واحد بكبري حتى نكعد نلعب سوه؟ هذا هسه هواي جبير، ضفنت بوجهه وافكر بداخلي عود من اگوله تعال نلعب يقبل يلعب وياي؟
صفنت بعيد عنه واذكر كلام بابا وعمامي البارحه دنتغده وعمو كال البابا
- اني اليوم جايك بطلب واتمنى ماتردني
بابا گاله: عد عيناك اطلب وابشر
تفاجئ بابا من كاله: والله يا خويه اني رايد ملاك لأبني منصور
اني كاعده يمهم ع الغدة وعيوني تتنقل بين عمو وبابا واسمع بأنتباه، بابا صار عصبي بس حجه بهدوء يخفي عصبيته:
- تحجي صدك يمعود! زواجيش متشوف ملاك شگدها؟ وبعدين لا تحسبها رد لطلبك بس ملوكه اريدها تكمل دراستها ماازوجها
عمي كام يصيح ويكوله: يعني شنوو تعزها عليه علييي !!
- ادري هي شنو فد سلعه واعزها عليك؟ جاي اكلك بتي زغيره مو مال زواج وغير هذا كله اصلا ناويها تكمل دراسه وعود من تكبر هي تختار الي يناسبها
ضل عمي يصيح ومعاجبه وغلط على بابا شلون ميزوجني لأبنه وعمامي البقية الي جايين وياه هم صفوا وياه اخر شي زعلوا وطلعوا من البيت ..
ماما طول هالحجي جانت ساكته لان بابا اصلا ماانطه مجال، اني بقيت صافنه بوجوهم، هسه من اتزوج اصير مثل ماما يعني؟
بس اني مااريد شنو هاي، لازم اعوف اهلي لان ماما هم عافت اهلها واجت عاشت يمنه ، برطمت واباوعلهم بس راحوا اخويه كال البابا:
أنت تقرأ
وأد القلوب
Actionقصة حقيـقيـه :بقلمي انا وردة خُزام في ازقة العاصمة بيوت ثرية وقلوبٌ مُحطمة ! هُنا لا مكان لحواء وكأنها نبذت مُنذ زمنٌ بعيييد فهل ستقاوم هذا النبذ؟ ام انها ستحط رحالها عند اول عثرة! #وأد_القلوب
