وأد القلوب

Part 20

"وأد القلوب "
بقلمي: وردة الخُزام

چنت اودهم ..

چنت اظن سدرة بـ ظهاري الصيف
تچويني الشمس واگعد بـ سدهم !

★★★★★★★★★★★★★

بـــــــــــــــارت 2️⃣0️⃣

ملاك: استمرت علاقتي وي زيد من احسن مايكون، يموت بيه واني اكثر بعد .. عشنا اجمل قصة حب مابدت هالفتره لا .. قصة حب ممتده جذورها من الطفولة ويا محلى حب الطفولة .. حب نقي صادق بريء متيين لا يمكن يهتز او يتخلخل لو بأصعب الظروف ..

بحكم احنه نفس الكلية وحتى نفس القسم ف كل وقتنا نقضي سوه حتى نقره سوه لان هو مرحلة ثانية وانا اولى.

جان صادق وياي من البداية گال بعد التخرج نتزوج .. واني طايره بي احس نفسي اسعد بنية وياه، بس باقية سالفة الي تعرضتله بالطفوله منغصه عليه هالفرحه، اخاف احجيله وميتقبلني وساعتها اموت والله!
مااكدر اتحمل فكرة اخسر زيد للمرة الثانية بعد مالگيته من سنين ..  مجرد اتخيل انه يتركني ويتزوج غيري گلبي يموتني من الوجع.

گعدت ع المنبه مثل كل يوم .. دخلت سبحت وبدلت ومكيجت خفيف مال دوام ونزلت جوة صبحت على خالتي لكيتها دتسوي ريوك، گالت تعاي تريكي كتلها مامشتهيه بوستها وطلعت ..

احنه هسه بامتحانات الكورس الاول ومتفقين اني وزيد على طول الامتحانات نجي من وقت حتى نگعد نراجع سوه .. رحت لمكانه المعتاد الي نگعد بي دائما لگيته جاي قبلي بس شافني ابتسم وگاملي ..

- يهنيالي على هالصباح
- ابتسمت .. صباح الخير
- صباح الورد .. شلونج حبيبي
- تمام .. انت شلونك
- بشوفتك بأفضل حال

ابتسمت ورحت كعدت يمه وبلشنا نراجع للأمتحان،  مندمج يقره بصوت عالي واني صافنه بي بالي مو يم الامتحان كله .. صافنه بملامحه الي تسحل گلبي ،طبيعته هاااادئ لأبعد حد، كُلشي بي هادئ ملامحه اسلوبه بالكلام حركته، صافنه بي واكتسحت عقلي فكرة انو مايتقبلني مثل مااني؟!
لا اراديا نزلت دموعي، واحس اختنگت المكان بكبره ماعاد يوسعني گمت اشهك وساده حلكي بأيدي لا ينتبه .. بنظره سريعه شال راسه من الكتاب شافني ابجي تفاجئ شمر الكتاب من ايده واتدنه يمي ملهوف ..
- شبيج يروحي؟  يوجعج شي
- زدت بالبجي وبس اريد اگوم من يمه حتى اطلق العنان لدموعي بمكان مابي احد بس اني ..

هو انخبص بيه يسألني ساكته مااجاوبه بس اشهك ..

- ملاك لتخبليني شبيج گوليلي متأذيه من شي؟ ع شنو البجي يا روحي انتِ!
- گمت امسح بدموعي وساكته، تقرب مني لزم ايدي ويگولي: اششش اشش اهدي اهدي هاي اني يمج .. كافي بجي يروحه لزيد كااافي

هديت شوي وراحت الشهگة، بقينا ثنينا ساكتين لشوي حجه:
- ملوكتي؟
- ها
- راحت الخبالات حبيبي؟
ضحكت
- شنو قصدك اني خبلة يعني؟
- هههههههههه لا يابه اني الخبل بس فكيها ترا ورانه امتحان مو وكت مزاجياتج  تگب هسه ابدد.
-  ياا مو قصة مزاج ترا
- لعد شبيج يروحي مريضه؟ ترا خوفتيني عليج والله!
-زيد لتعوفني بيوم مااتحمل اعيش بدونك
حجيتها اتوسله بملامحي ودموعي رجعو صبوا .. هو تبدلت ملامحه بسرعه ..