وأد القلوب

Part 22

"وأد القلوب"
بقلمي: ورده الخُـــزام

لو غالي انقهر بس شي رخيص وراح
ما اهتم لان ما تستحق همي
روح وراح ترجع نادم ومذلول
واكلك دنكتلك ما كدرت تطول
تبقى تعلي صوتك تعلي صوتك
خاطر اسمع شي واضل ما منتبه ما اسمعك شتكول
واصير كبال عينك واحضن ليسواك
ومن تدير ضهرك تمشي بس مشلول
واصيح وتلتفت لفتت الطفل لامه
وتذب الذنب والوم على القسمه
واضحكلك واكلك يلا سهله تصير
بس لا تنسى عندي بركبتك ذمه

-مُهند العزاوي

★★★★★★★★★★★

بـــــــــــارت 2️⃣2️⃣

خلصنا تصوير وبقينا نفتر بالمزرعه دنحجي ودك تليفوني باوعته مازن، شهد ترخصت كالت اخذي راحتج .. و

فتحت خط والفرحه تارسه وجهي گبل كتله: هلوو حبيبي

فاجئني بسؤاله عگدت حاجبي وتغيرت ملامحي ..

- ناز تحبيني؟
- جاوبته بضحكه خوف: ههه اكيد انت حبي الاول مستحيل انساك
- لعد تتحملين لخاطري!

هنا لزمت گلبي وحجيت بصوت  مبهوت خايف من الخذلان للمرة الثانية!
- شتحمل؟
- ابوي ميقبل اطلع بيج بيت وحدنا
- وانت لشوكت تبقى بشور اهلك؟! .. اذا مو گدها ليش رجعت املتني وخليتيني انطيك فرصة؟ مستعد اسوي كلشي لخاطرج بس سامحيييني وينه هذااا حجيييك وووين!

حالي مثل بلاع الموس لا اگدر اكله ليش مااكدر ابقى وي ابوك، قابل شگله ابوك الي هو خالي يتحرش بيه!!
واذا گلت راح يصدگوني؟ يصدگون خالي وابو زوجي هيج يسوي!!!
حتى استحي احجيها والله! اتقزز حتى الفظها وي نفسي ..

اجاني صوته :انتِ تخليتي عني مرة واليوم بيدج تقررين حياتنا يا اما ترجعين او تتخلين عني وعن ابنج للمرة الثانية؟
- لك انتتتت شدتحجيييي هو منو الي تخلى منوووو؟ لك انطيتك فررررصه ورجعت گلبي لحبك لك دست على نفسي وكرامتيي وگلت ميخااالف ناز تحملي زوجج وابنج انطي فرصه ومشي المركب، تااالي تجي تگولي انييي متخلية عنك؟ !!!

- نازز ترجعين وي اهلي اهلا وسهلا واعوضج عن كلي الي راح والله، اما اذا گلتي لا ف تنسين ابنج و الله وياج
-هه يعني بهالسهولة مازن؟ هيج صارت!
-اي للأسف انتِ الي اختاريتي تكملين حياتج بعيد عنا
- قسماً بالله العلي العظيم وداعت حرگة گلبي هاي وشوطت روحي، يامازن حوبتي ماراح تتعداك؟ شايف حرگة گلبي هاي؟يجي يوم وتضوگها وتتلوع بيها ساعتها بس! راح تعرف ان ربك يمهل ولا يهمل وكل ساقٍ سيسقى بما سقى!
حسبي الله ونعم الوكيل بيك عسى حوبتي ماتتعداك ويجي يوم ويشوفني بيك ربي يوم اسود

و
قفلته بوجهه ونزلت للگاع منهاره احس گلبي نااار وشابه بي، قبل لحظات لحظات بس احس روحي اسعد انسانة المكان الي جنت قبل لحظات اتنفس انقى هوى بي هسه ماعدت اگدر اتنفس حتى! 
  شنو الي غلطت بي من قررت انطي فرصه لحياتنا وحياة ابنا؟ شنو غلطي من كسرر گلبي توسله وحاله وگلت ميخالف ناز علمود ابنج ابدي وياه من جديد ..