(Unicode)
မာနလေးရဲ့ ကိုယ်ရံတော် (အပိုင်း ၁၆)
(သောကြာနေ့....)
အချိန်အားဖြင့် ညနေ ၄ နာရီ..
ညနေနေဝင်ခါနီး အချိန်သို့ နီးကပ်လာပြီဖြစ်ပြီး သူငယ်ချင်းဖြစ်သူ သီဟ၏ မွေးနေ့ပွဲသို့ သွားရောက်ရန် ပြင်ဆင်နေရသည်။
အစောက မျက်နှာလှလှလေးတွင် လိုအပ်သည့် ပြင်ဆင်ခြယ်သမှုများ ပြီးနေပြီဖြစ်၍ သူမနှင့် လိုက်ဖက်မည့် အဝတ်အစားအား ရွေးချယ်နေလေသည်။ထို့အတူ ဇိုင်းခန့်မှာလည်း သူမနှင့်အတူဘယ်သွားသွား လိုက်ပါရမည့် ကိုယ်ရံတော်တစ်ဦးအနေဖြင့်...တစ်ခါတည်း ပြင်ဆင်နေရသည်။
"🎶..🎶..📱..🎶..🎶"
"တူ..."
"Hello .... အေး..
ငါ ခဏနေ ထွက်လာတော့မှာ ....
ဘာဖြစ်လို့ ဒီလောက်အသည်းအသန် ဖြစ်နေရတာလဲ ဇင်မာရဲ့..ငါရောက်လာရင် ပြီးရောမလား ဟွန့်.... အေးအေး..ဒါပဲ"
ဇင်မာ ဖုန်းဆက်ခြင်း ဖြစ်သည်။ပွဲကို သူတစ်ယောက်ပဲ အစောကြီး ကြိုရောက်ရှိနေခြင်းဖြစ်ပြီး အစောအား အမြန်လာရန် အတင်းခေါ်ယူနေခြင်း ဖြစ်သည်။ အဓိက အကြောင်းအရာမှာ ဇိုင်းခန့်အား တွေ့ချင်နေသောကြောင့်သာဖြစ်သည်....။
"ကိုဇိုင်းခန့် ....ကိုဇိုင်းခန့်..."
"လာပြီ...."
အစောက မွေးနေ့ပွဲသို့ သွားရမည်ဖြစ်သောကြောင့် ဇိုင်းခန့်မှာလည်း သင့်တင့်မည့် အနောက်တိုင်း မိုးပြာရောင် ကုတ်အင်္ကျီ ကိုလျှိုဝတ်ရင်း ဆင်းလာခဲ့သည်။ အနောက်တိုင်းဝတ်စုံနှင့် ဇိုင်းခန့်မှာ အတော် ကြည့်ကောင်းနေပြီး ၊ သပ်သပ်ရပ်ရပ် ဖြီးတင်ထားသော ဆံပင် စတိုင်နှင့် မျက်နှာကျဟာလည်း အလွန်ပင်လိုက်ဖက်လွန်းသည်။အစော ဇိုင်းခန့်အား ကြည့်နေရင်းမှ နှစ်လိုဖွယ် ပြုံးပြမိသည်။
"မင်းကအားလုံးပြီးပြီလား...ခေါ်ပြီး ဘာပြောမလို့လဲ .... ငါကအကုန် အဆင်သင့်ဖြစ်ပြီ"
သူမက ဘာမှပြန်မပြောပဲ ရွှန်းလဲ့နေသော မျက်ဝန်းတွေဖြင့်သာ ဇိုင်းခန့်ကိုငေးကြည့်နေသည်။
"ဟေး!...ဘာတွေ တွေးနေတာလဲ..ပြောတာမကြားဘူးလား..."
"ဟင်...အမ်..ဘာမှ မဟုတ်ပါဘူး...ပြီးပြီလား သွားကြမယ်"
YOU ARE READING
မာနလေးရဲ့ကိုယ်ရံတော်
Romanceမြန်မာပြည် မိဘမဲ့ဂေဟာတစ်ခုကနေ ဂျပန်မှာမွေးစားခြင်းခံလိုက်ရတဲ့ ရှီတို (ခေါ်) ဇိုင်းခန့်က ဂျပန်နိုင်ငံ Omega မရိန်းတပ်ဖွဲ့မှာ တာဝန်ထမ်းဆောင်နေသူဖြစ်ပြီး တစ်နေ့မှာ အကြောင်းမျိုးမျိုးကြောင့် မြန်မာနိုင်ငံ တိုင်းဝန်ကြီးချုပ်ရဲ့သမီး စောဧကရီနွယ်ကို ၂နှစ်...
