MY LOVE MY LORD (COMPLETED)

MLML 28

28

ယခင်ကတိတ်ဆိတ်နေခဲ့သော ဧကရာဇ်အဆောင်တော်အတွင်း၌ လူတွေကစည်ကားနေသည်။

သန့်ရှင်းပေးပြီး အဝတ်သစ်တို့ဝတ်ပေးထားသောတစ်ယောက်သောသူသည် ဝေ့ရင်းလက်ကိုကိုင်ကာအိပ်မောကျနေသည်။ ခေါ်လာတဲ့တောက်လျှောက် လက်ကိုလုံးဝအဖြုတ်မခံပဲနေသည်။

အိပ်မောကျနေတာကိုတောင် အဖြုတ်မခံသောလူကြောင့် ဝေ့ရင်းကရေးရေးလေးပြုံးသည်။

သမားတော်ကြီးကသေချာစမ်းသပ်ပြီးထွက်သွားသည်။
အပျိုတော်တွေလည်းမရှိတော့။

ပိစိနှစ်ကောင်ကတော့ ဝေ့ရင်းတို့နှစ်ယောက်ကြားထဲတိုးဝင်ပြီး စကားတွေများတော့သည်။

ပန်းချီကားထဲမှာသာ ခန့်ညားချောမောသောခမည်းတော်ကိုမြင်ဖူးကြတာမို့ ယခုလိုအပြင်မှာပြန်တွေ့တော့ သေချာစူးစမ်းနေကြသည်။

"အဆိုးလေးကိုရှာရမယ်...အဆိုးလေးရေ...အဆိုးလေး"

ရုတ်တရတ်ကြီးထယောင်သောထိုလူသည် ဝေ့ရင်းလက်ကိုလွှတ်ကာ တစ်စုံတစ်ယောက်ကိုခေါ်နေသည်။ ထိုတစ်စုံတစ်ယောက်သည် ဝေ့ရင်းဆိုတာကိုတော့ အသိစိတ်ချို့ယွင်းနေသောထိုလူကသိမှာမဟုတ်။

"အိပ်..ပြန်အိပ်နော်။အဆိုးလေးကဒီမှာရှိတယ်။ခင်ဗျားနဲ့အတူရှိနေတယ်"

"အဆိုးလေးကိုကာကွယ်ပေးမယ်"

ထိုသို့ပြောပြီး လက်ကမ်းကာနေသောသူ၏ရင်ခွင်ထဲသို့ ခိုလှုံလိုက်သည်။

ဝေ့ရင်းအတွက် အမြဲတမ်းလုံခြုံစေသောရင်ခွင်ကျယ်သည်ယခုထိလည်းလုံခြုံမှုကိုပေးစွမ်းစေတုန်းပင်။

အဆောင်တော်ရှေ့၌ရပ်စောင့်နေသောလူတစ်ယောက်သည် ဝေ့သီနေသောမျက်ရည်တို့ကြားမှအလှဆုံးပြုံးသည်။

ပြီးနောက်ဦးညွတ်လိုက်ပြီး ကောင်းကင်သို့ပြန်လည်တက်သွားသည်။ ယင်းသည် အလွန်လှပသောသလင်းရောင်ကြယ်ပင်ဖြစ်သည်။

ထိုကြယ်လေးကိုမြင်လိုက်ရသော မီးနတ်ဖုရားပုစိ၏ရင်ဘတ်တစ်နေရာသည် နာကျင်သွား၏။ ဘာကြောင့်မှန်းမသိပေမယ့် အရင်တည်းကသိနေခဲ့သလိုမျိုးခံစားချက်ကိုခံစားမိနေသည်။