ماطلبت عذرك أنا نفسي عزيزة

Part : 3

طلعت ام هتان وبنتها يشوفون غرفهم في الدور الثاني
الجد عبدالله : منال يابنيتي تعرفين غرفتش وين
ام هتان ابتسمت لـ ابوها : اعرفها يبه
ابتسم الجد عبدالله وقال: وهتان يابنيتي الحقيني
هتان : حاضر جدي
لحقت هتان جدها واشر لها على غرفه شكرت هتان جدها ودخلت للغرفه جلست تناظر للغرفه ببساطتها وقدم الغرفه تقدمت عند الشباك وبعدت الستارة وشافت شباك غرفتها يطل على الحوش الامامي ابتسمت لانها كل صباح بتشوف وديان والهنوف ومن تجي تنوف بيصيرون اربعتهم سوا  قفلت هتان الستاره وجلست تشوف الغرفه وكانت مغبرة والأثاث يحتاج تمسيح طلعت من غرفتها وراحت لغرفه امها وشافتها مب موجوده نزلت لتحت وحصلت السايق يدخل الشنط حقتهم للبيت وكانت واقفه معاه امها وخالها ابو سعود ام هتان تكلمت وقالت شكرا راجو
هز راجو براسه وطلع من البيت
ابو سعود طلع من الباب اللي يوصل للحوش وقبل يطلع ابتسم لا اخته وقال لها: بنادي بناتي يساعدونش
ردت ام هتان : ماتقصر وانا اختك
هتان: يمه باخذ أغراضي وبطلع غرفتي
ام هتان: زين يمه
طلعت هتان غرفتها وخذت شنطها كان باقي كم وحده بتنزل تاخذهم اول مافتحت باب غرفتها حصلت الهنوف ووديان جايبين الشنط وترف الصغيره ماسكه المكنسه واشياء لتنظيف
هتان: انخرشت ياحيوانه انتي وهي
ضحكت وديان وقالت: على مهلش تونا ماسوينا حاجه واخترعتي شلون لو بنسوي شي ؟
هتان : لا تكفون الله يكفيني شرك ياوديان
الهنوف : وش رايش تدخلينا غرفتش عشان ورانا نسوي العشى وليوم بنعفيش من العشى علشانش تو واصله
هتان : اشكركم صراحه عفيتوني يوم
وديان : وزياده عليش
البنات يمونون على بعض لانهم قرايب واكثر من الخوات ويحبون بعض وكلمره وديان والهنوف ينتظرو نهايه الاسبوع عشان يشوفو هتان
هتان وهي توخر عن الباب : ادخلو انتي وهي
دخلو البنات وابتدو ينظفون كانت هتان تمسح الدولايب والهنوف تمسح الغبره من الأثاث وترف تكنس ووديان تمسح الشباك خلصو البنات واستاذنوا من هتان وراحو يساعدون ام هتان
هتان : لحمدلله ماباقي غير ترتيب اخلصهم بسرعه أن شاءالله
دخلو البنات غرفه عمتهم منال وابتدوا ينظفونها وخلصو وشكرتهم عمتهم بعدها نزلو يسون العشى طلعت ترف من المطبخ لانها توها صغيره ( كان جسم ترف وطولها على عمرها تبان بعمر خمس سنوات وتصرفاتها بس هي عمرها تسعه وداخله عشر وهالشي طبيعي فالبنات عندهم فالديره لما يكونو اطفال )
خلص العشى وحطو البنات السفرة ونادت الهنوف على عمتها وبنتها وراحت وديان تنادي جدها وابوها التم الكل على السفرة منتظرين الرجال وترف كانت جالسه عند الباب تنتظر اخوانها انفتح الباب ودخل سعود والباقي وراه ترف نقزت بفرحه وركضت لسياف سياف ابتسم من شاف ترف وحضنها وشالها ودخل للحوش
خالد بستغراب وبفرحه: اختي منال ياحي من جانا
ام هتان ضحكت على رده فعل اخوها الصغير وقالت: وابشرك وانا اختك بعيش معكم
خالد بفرحه اكبر : تنور الديره وانا اخوش وينور البيت فيش
سياف قرب من عمته وباس يدها وقال : تنورين يالغلا الديره بكبرها
ابتسمت ام هتان بحب لسياف ومن بعد سياف قرب سعود وباس يدها ومن بعده رائد وجلسو الكل على سفرة وهتان كانت جالسه جنب البنات تقدر تشوف العيال بس العيال مايشوفونها بحكم انها تجلس ع يمينهم كان ترتيب السفرة كالتالي( ام سعود وام هتان وجنبهم البنات وبالمقدمه الجد عبدالله وعلى جنبه سياف وبعد سياف سعود وخالد ورائد وكانت ترف جالسه جنبهم وفالمقدمة الثانيه كان ابو سعود جالس السفرة كانت على الارض فالحوش والحوش كبير )