ماطلبت عذرك أنا نفسي عزيزة

Part : 10

صحى خالد وهو يحس بنشاط لاول مره الصباح ناظر وحصل باقي العيال نايمين قرر انه يسوي مقلب خفيف وجاب الحاف حقه وغطى وجهه رائد فيه وهو يهمس باذنه من هو ربك ماهو دينك من هو نبيك؟
رائد فز برعب وهو يركض في الغرفه ويصارخ ربي الله ديني السلام نبي محمد صل الله عليه وسلام
خالد جلس على ركبتينه وهو منفجر ضحك اما الباقي فزو من نوم وهم مب مستوعبين حاجه رائد يوم استوعب اللي صار ركض ورا خالد وخالد يهرب منه
سياف بتثاقل : يا الله صباح خير وش صاير
سعود والنوم فيه تكلم وقال : مدري بس الواضح عينا خير من اولها
متعب بتثاوب : خلكم منهم وخلونا نكمل نوم
خالد : اصحى انت وهو وبعدو عني ذا الخبل
رائد وهو يوقف ركض : ذا فاضي يسوي مقالب عالصباح
سياف : خالد وش مسوي له؟
خالد ابتدا يقول لهم وانفجرو ضحك
سياف بضحكه: والله انك مب بصاحي
سعود وهو يضحك : كان ودي اشوف ردت فعله
متعب : كان لازم تصحينا نشوف المشهد
رائد وهو يجلس : وش فلم عندكم انا؟
سياف : الا غريبه خويلد صاحي بدري
خالد :مدري والله احس كذا بتفائل عند الصباح ونشاط مدري شسالفه
سعود : الله يستر
رائد : ذي اول مره تتفائل خير عند لصباح وماتصحى وانت نفسيه
خالد : شقصدك ياحيوان؟
رائد : قصدي انه من يشوفك كليوم الصباح يجيه الهم
خالد : مابرد عليك
سعود: بروح اتروش في حد يبغى يتروش بعدي ؟
سياف : انا
سعود: طيب من بخلص بناديك
راح سعود يتروش ومتعب طلع للحوش وشاف الجد عبدالله يسقى الزرع
متعب ببتسامة : صباح الخير
الجد عبدالله : صباح النور ياولدي وش مصحيك بدري
متعب : الكل صاحي جدي خله عنك انا بسقى الزرع
الجد عبدالله : زين امسك الخرطوم حق المويه واسقى ذي وذيك مابقى غيرهم انا طالع عندي كم شي اخلصهم وبرجع
متعب : ان شاءالله
خذ متعب خرطوم المويه وهو يحاول يشغله لانه الجد عبدالله طفى المويه قبل يعطيه لمتعب
متعب ذا وشلون يشغلونه؟ حاول متعب يشغل المويه
سعود كان طلع من الحمام وناده سياف يتروش سياف راح يتروش وسعود كان يلبس ملابسه
رائد : في شي غريب ؟
سعود وخالد بستغراب : وش ؟
رائد : ماتسمعون صوت حد يصارخ
خالد : اكيد يتهيه لك من نوم اللي فيك
سعود وهو يركز : الصوت كانه جاي من برا؟
خالد بتركيز والصوت بدا ينسمع اكثر : وين متعب ؟
رائد وسعود وخالد ناظرو بعضهم وحسو ان متعب ورا الموضوع ركضو بسرعه لمصدر الصوت حصلو الحوش غرقان مويه ومتعب يحاول يوقف الخرطوم ولا عارف
خالد ركض لمتعب يقومه وسعود ركض يطفي المويه
رائد كان منفجر ضحك على منظر متعب
متعب : اهخخ قلبي كان بيوقف
خالد : وش مسوي يالمهبول ؟
متعب : كنت بسقى الزرع بس ماجا فبالي انه بيغرق الحوش
رائد وهو يمسك الخرطوم وياشر لسعود يرجع يفتحه
سعود فهم وفتحه رائد ابتدا يرش على متعب وخالد
متعب وخالد كانو يركضون يبون يهربون وصدمو بابو سعود اللي طلع بوجهم
ابو سعود بعصبيه : ماشاءالله وش مسوين بالحوش انت وياه وياه
خالد برتباك وهو يعرف اخوه حسن لا عصب: الحقيقه وانا اخوك
ابو سعود تكلم وماخلاهم يبررون اللي صار: الليله تباتون كلكم برا البيت وان شافتكم عيني يويلكم مني انقلع انت وياه لا بارك الله فيكم
متعب : ياعم والله انه بالغلط
ابو سعود : قلت اللي عندي ويلا كلكم برا الليله
رائد : طيب يبه عل اقل نبدل ملابسنا
ابو سعود : قلت برا انت وياه وياه
سياف طلع من الحمام وهو لاف الفوطه حول خصره وشعره مبلل مويه ناظر وماحصل حد بالغرفه استغرب وشاف جولاتهم موجوده حسب انهم طلعو للحوش ولبس ثوبه واخذ جواله وهو طالع لهم يشوفهم وين
ابو سعود كان بالحوش هو وابو متعب :
ابو متعب بضحكه: روح الشباب فيهم عاليه بس ماله داعي تطردهم يا ابو سعود
ابو سعود : خلهم يباتون الليله برا يتعلمون الرجولة ويركزون
سياف كان واصل على اخر كلامهم وسمع وش قالو وعرف انه مطرود معهم رجع للغرفه بسرعه وسحب مفتاح سيارته وطلع من الحوش الخلفي بدون لا يشوفه ابوه
العيال كانو جالسين عند باب الحوش الخلفي وجا لهم سياف
سياف : وش مسوي انت وهو ؟
متعب تكلم وهو يشرح لسياف وش صار من البدايه
رائد : متعب تصدق وش؟
متعب : وش ؟
رائد : اشكر اللي سماك متعب اسم على مسمى
خالد بضحكه : ايبالله ماغير متعبنا وراه
سعود : تفضل لحين انطردنا كلنا بسبتك
سياف : قلت لكم مايجي من وراه غير المصايب
متعب : ياخي حبيت اساعد بس
سياف وهو منجلط : تكفى لا عاد تساعد ولحين تفضل دور لنا حل
متعب : ليه انتم تنتظرون مني حل؟
سعود : لا مانبغى مب ناوين ناكل تبن اكثر
رائد : خالد وش قلت لنا الصباح؟ متفائل خير؟ لا عاد تتفائل تكفى شف تفائلك وش سوا فينا
خالد : ترا مالي دخل هو اللي جايب المصايب وراه
بعد لا تسوي طالع منها انت واخوك لو انكم مارشيتونا بالمويه كنا حاولنا نرقع السالفه بس انقبض علينا في الجرم المشهود بسبتكم
سعود : اليوم واضح من بدايته ولحين تفضلو وين بنبات الليله؟
سياف بتفكير : في السطبل مافي غيره
سعود : حلو بس لحينه من بيسوي لنا الفطور تراني ميت جوع ماافطرنا بسبب حد فينا ليوم
متعب: خلاص ياشيخ لا تاكلوني نروح لحين المدينه القريبه من الديره وندخل اي مطعم نفطر هناك
سعود : بس محافظنا كلها بالبيت وحتى جوالاتنا و مفاتيح سياراتنا لو تحب اذكرك
خالد : وعشان تكتمل السالفه كل ملابسنا مويه بعد
سياف بتنهيده : لحمدلله جبت مفتاح سيارتي ومحفظتي حسيت اننا بنحتاجها
متعب :سياف تكفى احبك ياشيخ تزوجني
رائد تكلم بتفكير :تمام الفطور وحليناه العشى وش وضعه؟
سعود: العشى نحن بنسويه
خالد :من يعرف يطبخ فيكم؟
الكل سكت ولا حد فيهم رد
سياف : ما شاءالله اربع دروج ولا واحد منكم يعرف يطبخ؟
متعب: وش بيجيب في بالنا يعني اننا بننطرد بيوم وبنحتاج نتعلم الطبخ؟
سعود : اسمع من يتكلم لو حضرتك ما سويت فيها اللي يحب المساعده ماكنا انطردنا اليوم
رائد : اسمعو خلونا نفطر ووقت العشى يحلها ألف حلال
متعب: تمام بس عالعشى انا مشتهي كبسه
رائد : نحن ماندري وشلون بنطبخ وانت تبي كبسه؟
متعب: من لحين اقولكم غير كبسه مالي متعشى
خالد: شف الحيوان ويتشرط بعد؟
سياف : خذوه من وجهي تكفون جاب لي الضغط حسبي الله بس
سعود : هدي نفسك وانت نشوف سالفه الكبسه وقت العشى
متعب : طيب
سياف : يلا بشغل سيارتي اركبو خلونا نروح نشتري لكم ملابس اول لا تمرضون علي بعدها انفطر
ردو الباقي تمام سياف شغل سيارته وركب سعود جنبه وورا ركب خالد ورائد وبالنص متعب
كان متعب يسولف ويتشرط عليهم كل الطريق وسياف وسعود ماسكين اعصابهم وصلو للسوق وجننو راعي المحل واشترو ملابس وغيرو ملابسهم بعدها ركبو السياره وحركو للمطعم طلبو اكل وابتدو يفطرون
بذاك الوقت تنوف صحت وتروشت وحطت ميكب خفيف كالعاده ولبست ونزلت لتحت بتروح مع اهلها بيت عمها ابو سعود يفطرون سلمت على جدها وعمها ابو سعود وعمها ابو متعب ودخلت تدور البنات
هتان كانت نايمه للحين ومحد حب يصحيها
تنوف جت ونقزت فوق هتان ، هتان فزت وهي تحسب تنوف وديان لانه حركات وديان ذي
تكلمت هتان :وديان تكفين خليني ليوم مالي خلق لشي
تنوف بضحكه: اها ليكون تفكرين بحبيب القلب رائد؟
هتان فزت من سمعت اسم رائد وهي محسبه وديان اللي جنبها من شافت تنوف تنهدت براحه
هتان : تنوف وقفتي قلبي ياحيوانه احسبك وديان
وديان وهي تدخل من الباب : ليه وش فيني انا؟
تنوف بضحكه: مافيك حاجه محسبتني انتي من طريقتي وانا اصحيها
وديان بضحكه: اها زين يلا قومو نحضر الفطور اساسا مابيفطر غيرنا ليوم
هتان بستغراب : ليه وين الرجال؟
الهنوف وهي تدخل: مطرودين الليله
تنوف بستغراب: ليه وش مسوين؟
وديان بضحكه: متعب مغرق الحوش مويه ويبه عصب منهم وقايل لهم مايباتون فالبيت الليله
هتان بضحكه: اما فاتني كثير وانا نايمه الواضح
تنوف : الا ماطلعت غرام من غرفتها؟
وديان وهي تتأفف: خليها لو تموت محد درا عنها اصلا وجودها زي عدمه بس تجيب المغص لنا
هتان : الا الرجال وش اكلو؟
الهنوف بقلق : مدري والله انا خايفه عليهم وشلون بيفطرون ويتغدون ويتعشون لحينه
تنوف بتفكير: نقدر نعطيهم الفطور بدون يشوفنا عمي ابو سعود ؟
هتان بتفكير :لحظه وين جوالي
الهنوف: هذا هو
هتان خذت جوالها واتصلت لمتعب ومارد واتصلت لسعود ومارد واتصلت لرائد ومارد واتصلت لخالد ومارد
هتان : مايردون
وديان وهي تضحك : ترا جوالاتهم بالبيت
هتان بنرفزه: ياحيوانه ليه ماقلتي من الاول
وديان : لا بس حبيت اتسلى فيكم شويه
الهنوف بشويه عصبيه: وديان مب وقتش وش لحل لحينه؟
تنوف : وين بينامون الليله؟
البنات سكتو وهم مب عارفين الاجابه
دخلت ام سعود عليهم الغرفه وهي تقول : يلا يابنياتي نسوي الفطور مب حلو نخلي جدكم وابوكم واعمامكم بدون فطور
الهنوف : ان شاءالله يمه
وديان : الا يمه اخواني وين؟
ام سعود بتنهيده: مدري يمه حاولت ادورهم بس سياره سياف مالها موجوده اكيد راحو يدورون لهم مكان يباتون فيه الليله
هتان : طيب ياعمه وين برايك ممكن يباتون؟
ام سعود: مدري والله يابنيتي
طلعت ام سعود من الغرفه وهي متجهه للمطبخ ولحقونها لبنات ابتدو يحضرون الفطور كالعاده وحطو السفرة وجلس الكل يفطر بعدها قام الجد عبدالله ومعه عياله وراحو العزبه وكانو عيال ابو سعود ومتعب وخالد متوجدين يكملون شغلهم كان سياف وسعود يزرعون الارض ورائد يعطي الاكل للابقار وخالد يحط اكل للدجاج
ومتعب يرمي اكل للعنز
الجد عبدالله بضحكه: اشوفكم هنا ياعيالي
التفتو وابتسم سياف لجده :ايه ابوي نخلص اشغالنا
الجد عبدالله : لا تنسون بعد صلاه الظهر تجون تسمعون القصه
تكلم سعود وهو يقول : بس ياجد يبه طاردنا من البيت الليله
الجد عبدالله بضحكه : لا القصه استثناء بس ياعيال وين بتباتون الليله؟
سياف ببتسامه: لا تشيل هم ابوي بننام أن شاءالله في السطبل الليله
ابتسم الجد عبدالله وقال: زين ياعيالي
وكملو الرجاجيل شغلهم واذن الظهر وراحو يصلون وبعد الصلاه تغدو والكل اجتمع في الحوش من عائلة الجد عبدالله الجد عبدالله ابتسم وهو يقول بسم الله الرحمان الرحيم ونبدا قصتنا اليوم بقصه نبينا يونس صل الله عليه وسلم
الجد عبدالله : في بلاد العراق القديمه كان في بلده اسمها نينوى وكان اهلها وانا جدكم يعبدون الاصنام فارسل الله لهم سيدنا يونس عليه السلام يدعوهم للسلام ولعباده الله ومحد فيهم استجاب له وقتها غضب سيدنا يونس عليه السلام ووعدهم في عذاب عظيم ولما يئس يونس عليه السلام من ايمان قومه ترك القرية متوجهه للبحر بدون ان ينتظر امر الله وشاف سفينه عليها ناس كثير وركب معهم وفي طريقهم ارسل الله رياح شديده فاعرفو ركاب السفينة انهم بيغرقون ورمو كل اشياءهم في البحر ثم قررو ياعيالي انهم يرمون واحد فيهم وسؤو قرعه ووقعت على يونس عليه السلام مرات كثيره يونس عليه السلام اراد ان ينقذ السفينه ورمى نفسه في البحر وهناك امر الله تعالى حوت كبير يبتلع يونس في بطنه بدون ان يوذيه ونفذ الحوت امر ربه ظل يونس عليه السلام فترات طويله وعرف من خلالها انه اخطاء بترك قريته بدون انتظار امر الله بذالك وندم واستغفر ربه (لا اله الا انت سبحانك اني كنت من الظالمين) فامر الله الحوت ان يخرج بيونس الي الشاطى خرج يونس عليه السلام من بطن الحوت ياعيالي عاري وضعيف هزيل وخلق الله له شجرة من يقطين وأوراقها عريضة ليتغطى فيها ومكث يونس تحت الشجرة حتى رجعت له عافيته ورجع لقومه ووجدهم تابو وامنو بالله بعد تركهم واخبرهم يونس ان الله تعالى قبل توبتهم ففرحو وزاد ايمانهم واقبلوا على يونس يعلمهم الدين ( صلاه الله عليه وسلم)