صحى سياف بدري ودخل يتروش لبس ثوبه وطلع للحوش حصل الجد عبدالله جالس ويقرا قران ابتسم وجلس جنبه وهو يطلع مسبحته من جيبه ويستغفر
الجد عبدالله خلص قراءه القران وحطه على جنب وهو يتبسم ويناظر لسياف بحب : صح نوم وانا جدك
سياف : صح بدنك ابوي
الجد عبدالله : وش مصحيك بدري ؟
سياف : مادري والله
الجد عبدالله ناظر ليد سياف وقال: عساك احسن؟
سياف : لحمدلله افضل بكثير
الجد عبدالله : لحمدلله يارب
سياف : الا ابوي
الجد عبدالله : تبغى شي وانا جدك؟
سياف : مب لازم ترف تداوم ؟ ترا المدارس لها فتره باديه
والمدرسات دايم يرسلون لي
الجد عبدالله : وانا جدك امك خايفه عليها من مرضت وللان ماارسلتها تداوم
سياف : بس ماهو بكويس كذا بيضيع مستقبلها
الجد عبدالله : انا ليوم بكلم ابوك وان شاء الله خير
خالد : صباح الخير
الجد عبدالله : صباح النور ياولدي تعال اقرب
سياف : صباح النور خوييلد
خالد : ياوجهه الله انتم ماتدلعون اسمي الا ووراكم مصيبه شتبي ؟
سياف : شدعوه ما ابغى حاجه بس ادلعك
الجد عبدالله : اقرب اجلس
خالد قرب وجلس قريب من سياف : سياف
سياف : وش؟
خالد : ودي بقهوة وانت ؟
سياف : حتنا والله
خالد : تمام قم نروح ستاربكس نطلب لي ولك قهوة
سياف : يلا
الجد عبدالله : انتبهولكم
سياف ببتسامة: ان شا الله
ركب خالد السياره وركب قدام سياف وحركو لستاربكس ،
اعتام صحت وناظرت لتنوف اللي كانت نايمه للحين مسكت جوالها وهي تشوف الساعه وراحت تصحى تنوف
اعتام : تنوف ؟ تنوف
تنوف وهي تفتح عيونها بتثاقل: هلا ؟
اعتام : قومي تروشي والبسي ماباقي حاجه لدوامك
تنوف غمضت عيونها ورجعت فتحتها وهي تتثاوب قامت من السرير ودخلت للحمام ( يكرم القاري ) تغسل وجهها وتتروش ،
اعتام مسكت جوالها وهي تفرفر بالتطبيقات ،
شويات وتطلع تنوف من الحمام
وتبدل ملابسها وتتجهز ،وتدخل بعدها اعتام تتروش
نزلت تنوف واعتام للمطبخ يصلحون لهم الفطور بس من حظهم كانت ام تنوف صاحيه وجالسه تصلح لهم الفطور
ابتسمت ام تنوف من شافتهم وقالت: تعالو يمه توي كنت بناديلكم تفطرون
اعتام ببتسامة: مشكوره خالتي
ام تنوف ببتسامة كلها حب : مابينا الشكر انتي بنتي ثانيه
ابتسمت اعتام وبدت تاكل هي وتنوف ،،،
هتان ماكان عندها اي محاضرات اليوم عشان كذا محد صحاها من نوم ،، الهنوف جلست تسوي فطور خفيف لوديان قبل تداوم
رائد كان بسابع نومه ومايسمع المنبهه حقه
صحى سعود وهو يتثاوب وناظر لرائد ومتعب اللي ماحسو ولا صحو على صوت المنبهه ، ناظر لفراش خالد و سياف اللي كان فاضي واستعرب قام من مكانه وهو يطفي المنبهه بجوال رائد دخل يتروش بعدها طلع وبدل ملابسه وراح للحوش حصل عمته ام هتان جالسه مع الجد عبدالله وابو متعب وابوه وامه
ابتسم وقال: صباح الخير
ردو الباقي صباح النور
سعود: سياف وخالد وين ؟
الجد عبدالله : راحو يتقهوون من نص ساعه كذا
سعود : اها زين وين وديان ؟
ام سعود: داخل بالمطبخ مع الهنوف بغيت حاجه يمه؟
سعود: رائد شكله تعبان وماحبيت اصحيه انا بوصلهم ليوم للمدرسه
ام هتان: هتان اليوم ياحبيبي ماعندها محاضرات
سعود: اجل بوصل وديان وتنوف بس
الجد عبدالله : وترف
ام سعود ناظرت الجد عبدالله بصدمه: بس ياعمي اخاف تتعب من جديد مناعتها ضعيفه
الجد عبدالله : ماله دخل يابنيتي كلشي بيد الله ولو بتضلين موقفيتها كذا بتضيع السنه الدراسيه سياف كلم المديره وتفهمت لموضوع بس ماينفع تغيب كل هالفتره ولا وش ياحسن؟
ابو سعود : صحيح ياحرمه لمتى بتخلينها فالبيت؟ تضيعين سنه دراسيه لها
ام هتان : يا هيله ادري وشكثر تخافين على عيالك بس الطفل يبي يلعب وبنتك من حقها تلعب وتدرس
ام سعود بقلق: معكم حق سعود يمه بروح اصحي ترف وابدل لها وبعدها خذها معك
سعود: زين يمه
راحت ام سعود تصحى ترف وتبدل لها وتجهزها لمدرستها ،
أنت تقرأ
ماطلبت عذرك أنا نفسي عزيزة
Romantikروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
