ماطلبت عذرك أنا نفسي عزيزة

Part 56

اذا في اخطاء املائية الرجاء تتواصلون معي خاص حتى اعدلها زي ما تدرون انا ما اركز بالبارتات قبل انزلها واتمنى لكم قراءه جميله  🩶

بالفندق |
فصخ بشته ورماه على السرير بهمال وهو يوقف قدام التسريحه علشان يفك كبك ثوبه ، ألتفت لورا من شاف تنوف من المرايا تجلس على السرير وتناظره: جيعانه ؟
تنوف بتوتر وهي تشبك اصابعها ببعضهم: لا مو جوعانه
سياف بهدوء : زين ( سكت لثواني وهو يتأملها ويتامل خوفها ورجفتها : ما ودش تبدلين ملابسش ؟ولا بتبقين بالفستان ،ماله مضايقش ؟
هزت راسها تنوف بالايجاب وقامت من مكانها للحمام حتى تبدل ملابسها ، مسك سياف جواله يرسل لسعود حتى يطمنه وماهي شويات حتى طلعت تنوف من الحمام ( اكرمكم الله) وهي مبدله ملابسها ولابسه بيجاما حرير بيضاء ،، قفل سياف جواله من انتبه على جيه تنوف : خلصتي!
هزت راسها تنوف بالايجاب ، وتقدم منها بخطوات بطئية وهو يسحبها من خصرها لحضنه ويبعد شعرها عن وجهها بيده : الشعر القصير احلى عليش تدرين ؟
توترت تنوف واحمر وجهها وزاد خوفها ورجفتها من قربه لهالدرجه ،، ابتسم سياف بجانبيه من تاكد من الشي اللي كان بيتاكد منه  ونطق بهدوء : تطمني ولا تخافين، مالي ناوي أقرب لش ولا المسش اساسا ( تنهدت تنوف براحه وناظرت له مستغربه من حركته وكلامه اللي كانو عكس بعض  ) سياف بهدوء : كنت متوقع بانه ابوش علمش بس الظاهر انه ماقال لش حاجه (عقدت تنوف حاجبها  وعلامات الاستفهام واضحه بوجهها ) ابتعد سياف عنها ببرود ونطق  : ما كانت عندي نيه المسش ، بس حبيت اتاكد لو انش تدرين ولا لا الخوف والتوتر كان واضح عليش من لبستش الخاتم واستغربت من توترش وقتها وشكيت بانش ما تدرين عن شي وحبيت اتاكد وتاكدت توي بانش ما تدرين فعلا
تنوف : ما فهمت وش قصدك ؟
تنهد سياف وناظر تنوف : تنوف ، ترا زواجنا على ورق بس وابوش يدري بهالشي وحسبته علمش بس استغربت من رده فعلش واتوترش يوم كنت البسش الخاتم بنسبا لوحده تدري بانه زواجها على ورق ، وعلشان كذا شكيت بانش ما تدرين ، ووقتها حضنتش علشان اشوف رده فعلش ، بس كانت توتر بدال الاستغراب ، وهالشي اللي خلاني اشك اكثر بان عمي ما قال لش ، والحينه يوم قربت منش وشفت توترش وخوفش انثبت لي انش فعلا ما تدرين عن حاجه ،
توسعت عيون تنوف بصدمه وهي تناظر سياف : مافهمت كيف ؟ ليه تزوجتني طيب ؟
سياف بهدوء:  لانه ما عندي نيه اتزوج بيوم ورافض فكره الزواج  نهائي ، وانا داري حتى لو اني ما تزوجتش بيجلسون فوق راسي حتى اعرس ، وانا ما عندي نيه لهالحاجة، ولهالسبب احتجت زوجه قدامهم بس ، زي ما انتي تحتاجين رجل قدام الكل ، واب لـ بنتش ، يعني بنكذب عليهم كلهم باننا زوجيين فعلا ، ومحد يدري بان زواجنا على ورق الا شخصين ابوش وسعود
تلمعت عيون تنوف بالدموع والصدمه وصد نظره عنها بسرعه حتى لا يشوف دموعها : تنوف بنتش هي بنتي حتى لو زواجنا على ورق ما بيغير هالحاجه بربيها على انها بنتي وبتكون بنتنا ، وياليت تنسين انها بنت عزيز وماهي مني
مسحت دموعها تنوف بسرعه وقالت : ان شاءالله
سحب سياف باكيت دخانه على حطه التسريحه وطلع برا الغرفه وقال بهدوء : تقدرين تاخذين راحتش وتنامين هنا بنام برا عالكنب
تنوف : تمام ( طلع سياف من الغرفه وانسدحت تنوف عالسرير وهي تكتم صوت بكيها حتى لا يسمعها سياف ،،