" صباح يوم جديد "
في الإسطبل | هدا من سرعه خيله من شاف البنت اللي كانت جالسه عالكرسي وواضح عليها الشرود ، نزل من فوق خيله وتكى بيدينه على السور : وش تسويين وحدش ؟
صحت غزل من شرودها وناظرت لمصدر الصوت دق قلبها بقوه من شافته هو : تكلمني انا ؟
سياف ناظر للمكان ورفع حاجبه بستغراب : في غيري وغيرش من الاساس ؟
ناظرت غزل للمكان وفعلا بكل الاسطبل ماكان فيه الا الخيول وهي وسياف : مدري بس (قاطعها سياف وقال : مايهم ودش نتسابق
هزت راسها بالايجاب وقلبها يرقص من الفرحه : لحظه بجيب خيلي وبجي
سياف بهدوء : زين انتظرش ،
اسرعت غزل تجيب خيلها وبعدها رجعت لسياف اللي كان راكب خيله وينتظرها : اللي يفوز وش له ؟
سياف : لازم !
غزل : اي لازم او خسرت بعزمك على قهوة
ابتسم سياف ابتسامه جانبيه وقال : ان فزتي وان خسرتي انا اللي بعزمش استعدي يلا
غزل : تمام ( استعدو غزل وسياف وبدو يتسابقون بخيولهم ، كانت سرعه برق خيل سياف اسرع من خيل غزل ، شد سياف على لجام الخيل يوقفه من وصل للنهايه: اتوقع اني هزمتش ،
غزل بغيض: تتوقع ولا اكيد قصدك ؟
ضحك سياف وماكان عنده رد : وش قهوتش طيب ؟
هزت غزل كتوفها بمعنى ما ادري : اي حاجه عادي ماتفرق
سياف : ابد ولا يهمش بقولهم عطوني ايه حاجه وبيعطوني على طول انجزي وشهو طلبش ؟
غزل بتافف : طيب لا تنافخ وايت موكا
سياف : زيين ( نزل سياف من خيله وقال بتنحنح) حم سموحه ما اعرف اسمش بس عادي تدخلين برق مكانه ؟
غزل: اسمي غزل اسم خيلك برق ؟
سياف : ايه برق عاشت الاسامي غزل
غزل ببتسامة: عاشت ايامك خلاص ماعليك انا برجعه لسطبل الخيول
ابتسم سياف بجانبيه وقال : زين مشكوره بجيب القهوة وبجيلش
غزل : تمام ( صد سياف طالع برا الاسبطل يجيب له قهوة ولغزل عشان التحدي اللي كان بينهم )
بشقه العيال | صحى سعود بتعب وناظر لمكان سياف وفز بخوف من ما شافه موجود جنبه قام بسرعه يدوره بالشقه شاف العيال نايمين بس سياف ماله موجود رجع للغرفة وهو يدور بالإدراج وشاف جوال سياف اللي له فتره ما استخدمه تنهد بضيق وقلبه بيخرج من صدره من الخوف مايدري وشلون بيوصل لا اخوه ،ناظر لمكان سياف وشاف ورقه فز بسرعه وخذها يقراءها : تحصلني بالاسطبل لا تشيل همي ،
تنهد براحه وناظر لجواله يشوف الساعه " سته وعشر دقائق فز بسرعه للحمام. ( اكرمكم الله) يغسل وجهه وبدل ملابسه سريع ، سحب مفاتيح سيارته واسرع لا اقرب فرع ستاربكس ،
بشقه حمدان | صحت اعتام بتكاسل وثتاوب وخذت لها حمام " يكرمكم الله "
وبدلت ملابسها تستعد لجامعتها ،، خذت شنطتها وجمعت اغراضها متوجهه للصاله ماشافت حد غيرها صاحي ودخلت المطبخ سوت لها فطور سريع وخفيف ،، جت بتطلع من الشقه بس شافت سعود اللي الواضح توه راجع من برا : صباح الخير سعود
سعود ببتسامة: صباح النور اعتام كويس لحقتش
اعتام : هالمره بعد جايب للعيال وجبت لي معهم ؟
سعود : لا هالمره جايب لش بس
اعتام : صدق ؟ شكرا سعود واسفه لو اتعبك
سعود : ماتتعبيني بحاجه يالملقوفه امسكي قهوتش وبالعافيه عليش
خذت اعتام الكيس من يد سعود ومدت له لسانها : سعود احيان تكون طيب بس تراك حيوان
هز كتوفه بمعنى ما ادري : ما ادري يمكن لاني عرفتش ؟'
اعتام بغيض ونرفزه: وجعع سعود وجعع ( صدت اعتام تعطي ظهرها لسعود وتنزل من الدرج ) ضحك سعود وهو فعلا يحب يحارشها ولا يدري وش السبب ،
أنت تقرأ
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
