ماطلبت عذرك أنا نفسي عزيزة

Part : 16

متعب طلع بالمصعد وهو يضغط الدور الرابع
سياف ارتمى على سرير وسعود بدل ملابسه
دق باب غرفتهم وراح سعود وهو مبتسم هلابك متعب؟
استغرب يوم ماحصل حد عند الباب
متعب :هاييي  فاجتك صح؟
سعود بضحكه خفيفه: تراني ادري انك جاي يعني مابتمشى علي
متعب : ياقاتل المتعه كنت بخرعك
سياف تكلم وهو يعلي صوته حتى يسمعونه: ادخل انت وهو بتسولفون عند الباب
متعب بحماس: سيافيييي ( وراح ينقز عليه)
سياف تدارك الموقف وبعد بسرعه : وجع شتبي ؟
متعب : اشتقت لك
سياف: ترا  شايفني امس ماهو بسنه حتى تشتاق
متعب: عديم احساس ماتدري اني اشتاق لك في كل ثانيه وكل لحظه وكل دقيقه وكل يوم وكل اسبوع وكل شهر
سعود : وكل سنه بعد صح؟
متعب: يعجبني اللي يفهموني
سعود ضحك وجلس على سرير : تعال اجلس
متعب جلس وهو يضحك
سياف مسك جواله وارسل لفيصل وناصر يجونهم
سعود: كيف دوام معك؟
متعب: ابد تعب والله
سياف : وشلون زياد؟
متعب ببتسامة: يسلم عليكم ويقولكم قبل ترجعون ديره يبي يشوفكم
سياف وسعود ببتسامة: ان شاءالله
دق باب الغرفه
سياف بضحكه: اكيد فيصل وناصر بروح افتح لهم الباب
ناصر  حضن سياف بسرعه : سفسف وحشتني
سياف : ماقلت لك لا اسمع هالاسم؟ ابعد عني تراك شايفني من ساعه تقريبا عن النصب ؟
متعب شاف ناصر يحضن سياف وراح لهم
متعب بغيره : هي خير سياف لي ابعد انت
ناصر: لا لي وخر بس
متعب: انت اللي وخر
سياف : ابعد انت وهو عني احسن لكم
متعب وناصر بعدو بسرعه عن سياف بخوف
فيصل بضحكه: اتوقع فهمت وش قصدك بيجي من يكمله عالعموم الله يعينك
سياف ناظر فيصل بطرف عين وقال: ادخلو
سعود: وش ودكم تشربون؟
فيصل : خلونا نطلب كلنا هت شكولت ونطلع نتمشى شويه في رياض
ناصر ومتعب بحماس : موافقين
متعب : باخذ فيكم جوله في الرياض
سياف رفع السماعه واتصل في الريسبشن يطلب منهم يوصلونه لمطعم الفندق وطلب خمسه هت شكولت
( نروح للديره)
كان الجد عبدالله وابو سعود واب وتنوف جالسين
في الحوش يتقهون ويسولفون وام هتان وام سعود وام تنوف يحضرون العشى والبنات يساعدونهم
وهتان وتنوف ينظفون البيت
دخلت تنوف لغرفه العيال تنظفها وتشوف ترف اللي رجعت تنام بفراش سياف قربت منها وقاست حرارتها ابتسمت من شافت حراراتها نازله مره غطتها وطلعت من الغرفه جت بتمشى وتذكرت يوم دخلت غرفه سياف بالغلط ابتسمت وهي تتذكر وين مكانها فتحت الباب وكان عطر سياف معبي الغرفه استنشقته والشوق معبي قلبها قفلت الباب وراحت تكمل تنظيف مع هتان
هتان : كيف ترف بعدها تعبانه؟
تنوف ببتسامة: لا لحمدلله مافيها سخونه
هتان بتنهيده: لحمدلله يومين وبترجع  بصحتها ان شاءالله
تنوف : ان شاءالله
هتان لاحظت ان تنوف فيها شي : تنوف
تنوف : هلا؟
هتان: وش شاغل بالك
تنوف ببتسامة : ولا حاجه
هتان ناظرت بتنوف بطرف عين: تخبين عني ؟
تنوف ببتسامة وهي اللي ماتخبي شي عن هتان واعتام : هتان احس بفراغ بقلبي
هتان بستغراب : كيف تحسين بفراغ؟
تنوف وهي تبعد نظرها عن هتان  بتنهيده: وحشني
هتان استغربت اكثر وقالت : من
تنوف رجعت تناظر بعيون هتان : سياف
هتان ضحكت وقالت : اها سياف ودك تكلمينه
تنوف توترت ودق قلبها: كيف؟
هتان :بتصل له وكلميه
تنوف بتوتر : بس بس وش اقول له على اي اساس بكلمه؟
هتان : على اساس انك زوجته ومحجوزه له
تنوف بتوتر اكثر  : بس مدري وش اقوله له
هتان : تقدرين تقولين له ان ترف كانت تصيح عليه وانها مشتاقه له وانتي اتصلتي من جوالي عشان تخبرينه يتصل بكرا يكلمها
تنوف بتفكير وتوتر: ط.طيب
هتان ابتسمت وسحبت تنوف من يدها وطلعت بسرعه لغرفتها  وقفلت الباب اتصلت لسياف وعطت الجوال لتنوف اللي كان قلبها يدق بقوه من توترها