ماطلبت عذرك أنا نفسي عزيزة

Part : 25

وديان : متى بنشوف العروس تحمست اشوفها
هتان : بنات اتوقع العروس تقرب له صح؟
الريم: بنت خالته واسمها  عنود
الهنوف : تعرفينها ؟
الريم: ايه اعرفها ياحليلها تنحب البنت
ريفان : سلام عليكم
الهنوف : هلا ريوف تعالي اجلسي معنا
ريفان : افا عليش جايتلكم وبجلس على قلبكم بعد
هتان : عسل على قلبنا ياشيخه
ريفان: يابعد قلبي يا هتان والله
وديان :ريفان وين قرودك الاثنين
ريفان : مع ابوهم 
الهنوف : ريفان اعرفش ذي تنوف بنت عمنا عبدالهادي
ريفان : ايه اذكرها ماشاءالله كبرت وصارت حلوه بالحيل
تنوف : انتي الحلوه ياقلبي
الريم: تنوف ريفان تكوني اختي الكبيره
تنوف : صدق ؟
ريفان : ايه ياقلبي
الريم : وعندها قردين محمد وسيف واحد عمره ثلاث سنوات وثاني اربع
تنوف :الله يخليهم ويحفظهم لكم
الريم ريفان : امين
هتان : الا صدق ريوف كم صار عمرك؟
ريفان : خمسه وعشرين
وديان : اذكر رجلش خوي اخواني صح؟
الريم: ايه حمد لو تعرفونه
وديان : اسمع عنه من رائد وخالد
ام سعود: قومو ضيفون الناس
وديان : وش دخلنا حنا يمه ؟
ام سعود : حرام يا يمه مسكينه ام عمر ماعندها بنيات شايله بالعرس وحدها وحليلها
الهنوف : انا بقوم اساعد يمه
ام سعود: الله يرضى عليش يابنيتي
تنوف : لحظه بجي معك هنوف
الريم: اجل بساعد انا بعد
ريفان: بجي معكم
وديان : وجع تركتوني وحدي ! حتنا بساعد
هتان : اجل يلا انا معكم
ام سعود: الله يرضى عليكم يابنياتي
قامو البنات يساعدون ام عمر بالضيافة  ويقومون بالعرس،
عند الرجاجيل ،
عمر : ياعيال والله اني متوتر
عبدالمحسن : وليه تتوتر ؟
عمر : مدري والله احس بتوتر
خالد : لمتى بنوقف قدام باب الخيمه؟
حمد : والله فعلا ياعيال ماينفع خلونا ندخل ترا العريس لازم يجلس شويه مع رجاجيل
عبدالمحسن : عمر اسمع كلام حمد تراه لحين عنده ولدين
حمد: قل ماشاءالله عن عينك بس
رائد : الا صدق وين عيالك ؟
حمد: مع عمي ابو سلطان وابو زوجتي
خالد :  ترا لهم وحشه والله
حمد: لحين تشوفهم
رائد : حمد اخوانك الصغار كم اعمارهم ؟
حمد: بعمر ترف دايم يلعبون معها
خالد : بكرا لا كبرو عيالك واخوانك بيكونون زينا انا وعيال اخواني زي الميانه حقتنا
سياف :  خل  الهرج عنكم يلا ندخل للرجاجيل
سعود : صدق كنكم مصختونها مره ؟
عمر : خلاص طيب يلا
سعود: متعب شعندك هاجد ؟
متعب: مصدع والله
سياف: سلامتك
متعب : الله يسلامك سيافي
سياف بتنهيده: ذا حتى وهو مصدع وده ينرفزني
سعود: ماعليك منه ماعليك
حمد : عريسنا تفضل في المقدمة ونحن بنمشى وراك
عمر: شسمه بشتي وشماغي ضابطين
خالد : ضابطين ياولد الحلال بس خلنا ندخل
عمر : زين يلا
دخل عمر بالمقدمة ووراه سياف وسعود وخالد وحمد ومتعب ورائد وعبدالمحسن  ،
قامو المتواجدين يرحبون بالعريس ،
وتقدم سعود وباقي العيال يصبون قهوة للرجاجيل ،
بعدها بدت العرضه الجنوبيه ، وقامو رجاجيل ديره يرقصون من ضمنهم عائلة الجد عبدالله ، ماعدى سياف اللي كان يرقص بالغصب  متوجع من اصابته بس يرقص  عشان خويه عمر ،
( عند الحريم )
كانو البنات جالسين يرقصون بفرحه ، شويات وبدا صوت الزفه ودخلت العروس لهم ،
وديان : ماشاءالله تجنن
تنوف : فعلا جميله ماشاءالله
الريم قامت وهي متجهه للعروس ،
الريم : عنوود مبروك ياقلبي
عنود: تكفين ريوم وربي خايفه ومتوتره
الريم : ياشيخه هي فرحه العمر مره وحده قومي ارقصي معنا
ام ريفان كانت تسمع كلامهم وقالت : يابنيتي اهجدي تقومين العروس ترقص معكم؟ وين الثقل وين الرزانه
الريم : يمه عاد تكفين هي فرحه وكذا يلا عنوده قومي معي
عنود: والله انش خبله وش بيقومني وانا عروس؟  ،
هتان  قامت من مكانها وهي تحس بصداع  وجوالها كان طافي شحن على حظها وتنوف و وديان و الهنوف يرقصون ومعهم ريفان والريم تتكلم مع العروسه ،  شافت ترف  جالسه تلعب مع البزارين ونادتها  ، ترف جت لهتان من سمعتها تناديها
هتان : حبيبتي ترف شوفي لي حد من الرجال لو فاضيين احس بصداع شويه وابغى ارجع البيت
هزت راسها ترف وراحت لخيمه الرجاجيل ،
وهي تدور على اخوانها ،
حمد لمح ترف من بعيد وتقدم لها بستغراب وهو ينحني لمستواها : بغيتي حاجه حبيبتي؟
ترف هزت راسها بمعنى ايه وتكلمت: هتان تقول تبي ترجع لبيت
حمد  : لحين اناديلش حد
مشى حمد يدور حد من رجال عائلة الجد عبدالله ،
وشاف رائد وصار يناديه: رائد  رائد رائد
رائد : هلابك !
حمد : جت  ترف تبغى حد منكم
رائد بستغراب : ماقالت لك وش تبغى؟
حمد :  وحده من الحريم تبي ترجع للبيت
رائد : اها زين بروح اجل علم العيال لو سالو عني
حمد : تمام
راح رائد لخيمه الحريم وهو ينتظر عند المخرج ،
ترف دخلت لهتان وقالت لها رائد ينتظرها ،
لبست هتان عباتها وطلعت للخارج ،
رائد ناظر للحرمه اللي طلعت  ومن طريقه لبس العبايه عرف انها هتان : هتان غريبه تبغين ترجعين البيت بدري ؟
هتان : رائد اسكت بالله مالي خلقك مصدعه
رائد بستغراب : مصدعه !
هتان : ايوه
رائد شغل سيارته وركب وهتان ركبت ورا ،
مد يده لدرج السياره ،
رائد : امسكي ذا بندول
هتان :  في مويه ؟
رائد ناظر لـ هتان اللي كانت متكيه على الكرسي بتعب : لحين اجيب لش من البقاله
هتان : تمام
وقف رائد قدام البقاله ونزل يجيب لها مويه
رجع للسياره وهو يمد الكيس اللي بيده لـ هتان
هتان خذت الكيس وهي تشوف مويه وعصير كروسان لوزين
رائد : ادري انش ما كليتي كلي اول بعدها خذي البندول
هتان : طيب  ( بدت تاكل شويه من الكروسان وبعدها شربت العصير وخذت دواءها
رائد حرك السياره للبيت وماهي ثواني حتى وصلو ،
نزلت هتان بسرعه وهي تركض لغرفتها انسدحت بتعب على سريرها
رائد من نزلت هتان جلس بالحوش وهو يناظر لشباك غرفتها بقلق تنهد وطلع جواله يكلم خالد