تنوف تقدمت تحضن اعتام بشوق : وحشتيني
اعتام بشوق : حتى انتي صدقيني ماعاد للدمام طعم بدونك
هتان : احم احم نحن هنا ؟
اعتام بعدت عن تنوف وقربت من هتان و وديان والهنوف تحضنهم: حتى انتو وحشتوني والله
وديان : والله انش واحشتنا اكثر
تنوف : ابعدو حقتي ترا
هتان بضحكه: ذي لغيوره صدق
اعتام ؛ يازينها اطلق غيوره بعد
تنوف : احبك اعتام
اعتام: اموت فيك ياشيخه
الهنوف : ادخلو قبل حد من رجاجيل يشوفنا
هتان : صدق
وديان : ادخلو
اعتام : تمام
دخلو البنات للحوش وراحت اعتام تسلم على الحريم وعلى الجد عبدالله والباقي،ابو تنوف استاذن واخذ تنوف وام تنوف واعتام يرجعون للبيت حتى تستريح اعتام ،
( في غرفه تنوف )
تنوف : بتنامين؟
اعتام : ايوه تعبانه مره
تنوف :نوم العوافي
اعتام : يعافيك تنوفه
تنوف بضحكه : عيونها؟
اعتام : وش صار معك ومع ولد عمك ؟
تنوف : ذي يبغالها جلسه ترا
اعتام بضحكه: نروح كوفي ؟ ونتكلم هناك ؟
تنوف : ايوه لحظه اشوف هتان
اعتام : وشوفي وديان والهنوف معك
تنوف : في موضوع ما ابغاهم يعرفونه
اعتام : خلاص اجل نروح حنا الثلاث بس بكرا مو اليوم لاني تعبانه حرفيا
تنوف بضحكه: نامي نامي
اعتام بتثاوب : بنام ( سحبت الحاف وغمضت عيونها)
تنوف بضحكه: بنت تراك سحبتي الحاف كله وشلون بتغطى انا؟ ( ماحصلت رد من اعتام وناظرتها بستغراب وحصلتها بسابع نومه ضحكت تنوف من سرعه نوم اعتام ، ونزلت تشرب مويه من المطبخ وبعدها رجعت انسدحت على سرير غمضت عيونها وهي تحس بنعاس،
الجد عبدالله وعياله ابو سعود وابو متعب بعد ما استاذن ابو تنوف ورجع لبيته راحو لمجلس شيبان الديره ،
ابو عمر : والله محد منكم قصر امس بعرس ولدي عمر
ورجاجيل الديره شالو بالعرس كانه عرس اخوهم
ابو ريفان: رجاجيل ديرتنا على قلب واحد وكلهم شايلين بعض وكانهم اخوان ماهم بعيال ديره وحده
ابو سلطان: وهاذا العشم فيهم نحن ربيناكم وتربينا على حب بعض وهم بإذن الله يربون عيالهم على حب بعض
الجد عبدالله : ايبالله يا آبو سلطان حنا تربينا على حب بعضنا وربينا عيالنا على حب بعضهم وهاذي ثمار تربيتنا
ابو متعب : الله يطول بعمركم ويخليكم لنا يبه
ابو سعود : اللهم امين الا وش صار بالعائلة اللي كانت ساكنه بديرتنا وطلعو منها ؟
ابو ريفان: والله يقولون ماباقي شي لعدام ولدهم والام والاب مكسورين بالحيل والمشكله باقي عيالهم طالعين على اخوهم راعيين مشاكل وهواشات
ابو متعب : الله يصبرهم وهدي عيالهم
ردو المتواجدين : اللهم امين
ابو حمد دخل للمجلس وهو يسلم
ابو عمر : وعليكم السلام يا ابو حمد وينك مختفي من فتره
ابو حمد بضحكه: والله يا ابو عمر كان لي فتره تعبان ولحمدلله صحتي احسن لحينه ، ومبروك عليك زواج ولدنا عمر
ابو عمر ببتسامة: الله يبارك فيك يا ابو حمد
جلس ابو حمد وهو يقول: عن وش كنتم تتكلمون؟
ابو متعب : عن العائلة اللي كانت ساكنه بديرتنا
ابو حمد: ايه صحيح وش صار فيهم ؟
ابو ريفان : والله *************
أنت تقرأ
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
