ماطلبت عذرك أنا نفسي عزيزة

Part : 36

الساعه سته الصباح | تحديدا خيمه الرجال ، فتح متعب عيونه بنزعاج على صوت الجوال اللي يدق تلفت يمين ويسار
يشوف من صحى ، ماكان حد صاحي من الشيبان او العيال غيره تنهد وجلس يدور الجوال اللي يدق واستغرب من شاف اسم زياد على الشاشه مسك جواله وطلع برا الخيمه حتى يتكلم : هلا زياد ؟
زياد : هلابك متعب كيف حالك ؟
متعب : لحمدلله بخير وانت كيفك؟
زياد : عسى دوم ، بخير لحمدلله ، اسف لو اتصلت بوقت غلط او ازعجتك
متعب : لا عادي يارجال وش هالحكي عسى بس  الامور تمام ؟
زياد: والله مدري وش اقولك
متعب: شصاير قلقتني؟
زياد : لا تقلق ولا تشيل هم كل الموضوع والسالفة اللي فيها ان الأمور متوترة شويه هنا ونحتاجك بخلال هاليومين حتى نضبط الأوضاع
متعب : عسى خير بس ان شاء الله بكون اليوم عندكم
زياد : ان شاء الله الا كيف العيال طمني عنهم عساهم بخير وعساك مبسوط ؟
متعب بضحكه : تطمن كلشي بخير ولحمدلله والعيال بخير ويسلمون عليك
زياد بضحكه : لحمدلله وصل لهم سلامي
متعب : يوصل وكيف زوجتك وعيالك وكيفك انت؟
زياد : كلنا بخير ولحمدلله وعيالي يسلمون عليك ومشتاقين لك
متعب : وحشوني قرودك والله
زياد : افا قرودي اجل ؟
متعب بضحكه : استهبل يلا عاد اذلف عن وجهي
زياد : يلا مع سلامه يالحلو
متعب : ادرني حلو يلا مع سلامه
قفل متعب المكالمة ورجع للخيمه حصل الجد عبدالله
وابوه واعمامه والعيال صاحيين : صباح الخير
ابو تنوف ببتسامة: صباح النور وش مصحيك بدري ؟
الجد عبدالله : صحيح وانا جدك ماهي من عادتك
متعب : صحيت على مكالمه من الدوام
ابو سعود بستغراب : عسى مابه حاجه ولا شي ؟
متعب : والله ياعم محتاجيني بخلال هاليومين وافكر ارجع اليوم للرياض
ابو متعب : اجل خلاص نجهز شنطنا ونرجع الليله للرياض
ابو سعود : توصلون بسلامه اجل
متعب : الله يسلامك
رائد بتثاوب: في حد صاحي من الحريم ؟
متعب : لا اتوقع مافي لاني ماشفت حد منهم صاحي
ابو سعود : خل نشب النار ونجلس لين يصحون لحريم ونقول لهم يجهزون الاغراض ونرجع للبيت
ابو متعب: لا ياحسن كملو كشتتكم ماله داعي ترجعون عشاننا
ابو سعود: لا يا مشعل وين المشكلة نخيم مره ثانيه اما اننا نكمل الكشته بدونكم لا والله ما نرضى
الجد عبدالله : صحيح كلام حسن يامشعل الكشته بدونكم مالها داعي نكشت مره ثانيه من ترجعون الأيام الجايه
متعب : سموحه بس والله الشغل مايتاجل اكثر ولا ماكان زياد اتصل لي يخبرني ارجع بسرعه
ابو تنوف: وانا عمك لا تتعذر فاهمين وضعك وذا شغل والشغل مايتاجل
سياف تنحنح وناظر متعب والعيال : بروح اشب الحطب تجون معي ؟
سعود : انا جاي
خالد : كلنا يلا
مشو العيال يشبون النار وتركو الشيبان بالخيمه ،
خالد : ليه جرجرتنا معك استاذ سياف ؟
سياف حط الحطب وناظر خالد : وشلون بنكلم الاهل عن موضوع رائد و هتان ؟
خالد. بتفكير : صدق ذا إللي ماحسبنا حسابه
سعود : ماهي بمشكله لحينه نروح انا ورائد ونكلم امي وانت وسياف ومتعب تروحون تكلمون الشيبان
سياف : اجل ماعندنا وقت بعد الفطور نكلمهم وعسى خير
سعود : عسى
رائد تنحنح بعد كلامهم وصرف لموضوع : احم بروح انادي جدي واعمامي يجون هنا
خالد : زيين
تركهم رائد وضحكو اربعتهم دارين انه توتر من الموضوع وذا شي طبيعي وشلون لا يتوتر ويستانس وهو بياخذ اللي يحبها ، ماهي ثواني حتى صحو الحريم وبدو بجهزون الفطور والشيبان جلسو حوالين النار يسولفون ، ماهي شويات حتى خلص  الفطور وبدو يفطرون ،،