" صباح اليوم الثاني "
الديره | بيت ابو متعب | غرفه الهنوف و متعب
صحت الهنوف بدري وصحت متعب وراحت بعدها تشوف تنوف اللي كانت صاحيه وتفرفر بجوالها : صباح الخير
ابتسمت تنوف وقالت وهي ترفع نظرها عن جوالها : صباح النور
الهنوف : وشلون حاسه نفسش ؟ وكيف لبيبي
تنوف : بخير بس غثيان شوي
الهنوف : اتوقع انه طبيعي جوعانه صح ؟
تنوف : يعني مو كثير
الهنوف : لين يجهز الفطور بتكونين جعتي اكيد
تنوف بستغراب : ما بنفطر مع العائلة ؟
الهنوف : لا علشان نلحق نجمع شنطنا ونرجع الرياض يقول عمي مشعل
تنوف : اها ، تمام ( ابتسمت الهنوف وراحت تحضر الفطور مع ميري وماهي شويات حتى جهز ، وبدو الكل يفطرون )
تكلمت غرام وهي تشرب عصير الليمون : ما بغيتو نرجع رياض حسيت نفسي مختنقه هنا
متعب ببرود وهو ياكل : محد قلكِ تجي معنا طيب ؟
ناظرت غرام بمتعب بنزعاج وقالت بدون نفس : ابد جيت علشان ما تكون وحدك بزواجك عالعموم كنت ببلوه وحده وصرت باثنين ،
متعب بحده: غرااام !
تاففت غرام وقامت عن الاكل : تسدون نفس الواحد من جد ، بالعافيه عليكم،
تنهد ابو متعب وناظر للهنوف وتنوف اللي بان عليهم ضيق من كلام غرام : لا تشيلون عليها وانا عمكم ،
تنوف ببتسامة تسليك : لا عادي ياعمي ما زعلنا
الهنوف ببتسامة: خذيت علاجك ياعم ؟
ابو متعب : لا والله بعد ( قامت الهنوف عن السفرة وهي تصب كاسه مويه وتعطيه لـ عمها مشعل : مايصير ياعمي امسك علاجك والمويه لازم تاخذهم بوقتهم ،
خذ ابو متعب كاسه المويه والدواء من يدين الهنوف وقال ببتسامة : تمام يابنيتي مشكوره
اكتفت الهنوف ببتسامة ورجعت مكانها تكمل اكلها ،
بعد الفطور جمعت الهنوف الاكل وراحت ترتب شنطها وشنط متعب، اما غرام كالعاده على جوالها وميري ترتب لها شنطها و شنطة ابو متعب ،
تنوف كانت شنطتها جاهزه من اول علشان كذا ما تعبت بترتيبها وطلبت من متعب يوصلها بيت اهلها حتى تودعهم بعد ما وصلها متعب راح للعيال اللي كانو ينتظرونه بالعزبه ،
بالعزبه | الشيبان كالعاده جالسين يتقهوون ويسولفون مع ابو سلطان وكلشوي يشيكون على العيال لو قايمين بشغلهم، خالد كان يحط العلف للغنم . واما سعود كان يقطف الخضروات ،
متعب بتأفف وهو يناظر رائد اللي كان يناظره : وش تسوي ؟
رائد : اشوفك وش تبي تشتغل علشان اخذ الباقي
متعب : اها ( ناظر متعب لبيت الدجاج وقال ) انا شكلي بعطي اكل للدجاج اشتقت لهم ولحبهم لي
ناظر رائد متعب بطرف عين وقال : ايه واختي نسيت حبها بالوصخ ؟
متعب بضحكه : لا وين انسى حب هنوفي
رائد بغيره : هنوفي انا يالورع اهجد لا تدلعها
ضحك متعب من غيره رائد وقال : رائودي ترا الغيره ماهي كويسه ، اختك زوجتي او انت ناسي
رائد : توامي واختي قبل تصير حرمتك
خالد بتنهيده : اشتغل انت وياه وخلم السواليف عنكم
متعب : حااااضر
رائد : زين
متعب : رائد وش بتسوي انت الحين ؟
رائد : بحلب اشباهك البقر
متعب بنرجسيه : فديتهم ياحلو اشباهي الاربعين بس
رائد بضحكه : لازم تروح دكتور نفسي ياشيخ نرجسيتك مهي بطبيعيه
متعب بثقه وهو يتكي على باب بيت الدجاج : قول انها بمحلها لا تستحي
توسعت عيون رائد بصدمه من انفتح باب بيت الدجاج وطلعو كلهم : اسلمممم متعب مو قلنا لاعاد تجي العزبه ؟ حسبي الله على ابليسك
متعب كان يحاول يرجع الدجاج مكانهم وكانت فيه دجاجه تطالع فيه وتقرب عنده متعب: رائد ذي وش فيها؟؟
رائد: وشو ؟ ( ولف على متعب يشوف وش فيه وشافه يرجع على ورا والدجاجه تقرب منه: يولد امسكها
متعب لف ظهره وصار يركض بعيد عنها والدجاجه تركض وراه ،
رائد بضحكه : الظاهر انها اشتاقت لك
متعب وهو يركض: لا بارك من حب وشوق مانبي مانبي كنسلنا ياشيخ ابعدها عني استاذه دجاجه ترانييي متزوج يعني استحي على دمك شوي
ترك سعود لشغل اللي بيده وقرب من الدجاجه ومسكها ودخلها بعدها للبيت حق الدجاج وقال : اذا منتم قد مسؤولية لا عاد تسوون شي وخلكم هاجدين
قرب متعب من سعود وحط يده فوق كتف سعود وقال: يوهه سعودي لا تصير سيافي ثاني
سعود ببرود وهو يوخر يد متعب عنه : ماني بمعصب
متعب ناظر بـ سعود وقال: والله؟
جاء خالد وهو ينفض نفسه وقال بستغراب: ايه وش كنتم تسوون انتم ؟
سعود بضحكه :تو ناس والله وين كنت انت ؟
متعب ورائد : مالك دخل
خالد : امحق عيال اخوان والله احترام العم وينه ؟؟
رائد وسعود و متعب بنفس الوقت: اسلمم بداء!
ضحكو الاربع ورجع كل واحد فيهم يكمل يكمل شغله وبعدها راحو للسوق يبيعون الرزق ،وقابلو عبدالمحسن والعيال وجلسو يسولفون شويه ويضحكون ، ناظر سعود لرائد وهمس له بدون لا يسمعونه الباقي : أسف
رائد بستغراب : على ويش ؟
حك سعود حاجبه بحراج وقال : امس يعني تدري ماهو بقصدي ،
ابتسم رائد وقال : ما شلت بخاطري ماعليك حتى تعتذر
ابتسم سعود وقال بحنيه: عل يدي للكسر قبل تنمد عليك مره ثانيه
رائد : بعيد شر لا تقول كذا ما ازعل على اخوي الكبير مهما صار ،
متعب بلقافه : عن وش تتكلمون انتو
خالد : امحق ياللقافه الا صدق عن وش تتكلمون حتنا عندي فضول
عمر : وانا للامانه
سعود : ماشاءالله من باقي وده يتلقف بعد ؟
تنحنح حمد وقال : يمكن انا وعبدالمحسن عندنا صح عبدالمحسن ولا ؟
عبدالمحسن : اكيد لقفونا معكم الفضول يذبح ترا ،
رائد بضحكه : احسن موت انت وياه فضول مالنا بقايلين
خالد : والله انكم ما تستحون على دمكم تراني عمكم لازم اعرف ترا
متعب : وانا ولد عمكم ونسيبكم بعد يعني لازم اعرف مع خويلد
سعود: هيييا خذلك كنا في احترام العم وصرنا بالنسيب لحينه بعد
رائد : ورععع ورععع طلق اختي كنسلنا نبيها ماعادنا مزوجينها هاتها لنا
متعب : بحلامك مالي برجعها زوجتي صارت حقتي مالها حقتكم
خالد بتنهيده : هاتها ؟ وماني مرجعها ؟ لعبه هي انت وياه والله محد بفيكم عاقل وانا اولكم لحظه انا شدخلني ؟ قصدي سعود اولكم
توسعت عيون سعود بصدمه وناظر خالد وقال وهو يفصخ عقاله: لا ياشيخ احلف بس ! لحينه اوريك كيف انا مب بصاحي
خالد وهو يركض : امزححح ياشييييخ ما ينمزح معكم انتم ؟
سعود وهو يركض ورا خالد : تعال حبيبي اعلمك المزح على أصوله بس تعال
خالد : مانيييب بجاييي ولا ودي اتعلم حاجه شكرا لك و اشكر جهودك لا تتعب نفسك ما ودي مشكور ما تقصر خابرك ، انا اسحب كل كلمه قلتها من شويه انا اللي مب بصاحي
عبدالمحسن : افااااا خويييللللد ما يصير تسحب كلامك خلك قد كلامك
خالد وهو يركض : ياشيخ اسحبها وماني بقد كلامي انا بنفسي ما اصدق كلامي جايين انتم تصدقوني ؟ ( ضحكو العيال وضحك معهم سعود اللي وقف وقال وهو يعدل شماغه : ياشيخ حسبي الله خربت كشختي من وراك
خالد بضحكه وهو يوقف : لا ياشيخ اللي يسمعك يقول انك رايح عرس ولا مناسبه مهمه ترا ماهي الا عزبه وانت من الاساس يلا حتى تلبس شماغ لو ماكان سياف بجبرك تلبس شماغ ماكنت بشوفه عليك بعمري
رائد بضحكه : خويلد بالله لا تنسى الجاكيت الاسود والشماغ الاحمر
خالد بضحكه : ها شايف حتى رائد قالها انت ان نويت تتكشخ اعلى مراحل التكشيخ عندك شماغك الاحمر اللي نادر يتغير لونه وتلبس لون ثاني وجاكيتك الجلد الاسود
سعود تنحنح وقال : خالد انطم ،
ضحك خالد وقال : يلا نرجع للعزبه قبل ننهبد
سعود : زين نستاذنكم ياعيال
عمر : ابد خذو راحتكم حتى نحن بنرجع شغلنا ( ابتسمو العيال وودعو بعض وكل واحد فيهم رجع لشغله)
أنت تقرأ
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
