ماطلبت عذرك أنا نفسي عزيزة

Part : 53

حمدان ببتسامة:  من شويات والله جينا للجنوب وحبينا نتركها لكم مفاجاة ،اجل محسب رائد يصير عنده بزر وما نجي نبارك له ونشوف ولده ؟
سعود بستغراب : جينا ؟
حمدان : ايوه جينا انا وفيصل وناصر وفهد وزياد وندى وعبير وعذاري واعتام وزوجه زياد وعياله الاثنين بعد
خالد : هيا خذلك جايبين اهل الرياض كلهم وجايين انتم ؟
حمدان بضحكه  : لا بس اعتام ما عندها محاضرات هاليومين وقلت للعيال اننا بنجي الجنوب نبارك لرائد بولده ونشوفه و حلفو الا يجون هم بعد ،
خالد : ماشاءالله يعني عازمين نفسهم بنفسهم وش هالنشبه ؟
ناصر : هييي ولد خالد ترا نسمعك
خالد : امحق ، هلا نويصر حبيبي هلا والله منورينا ياعيال منورينا
ناصر : حبك برص توك حاش فينا كلنا متى لحقت تحبنا انت ؟
خالد : امحق انا ؟ لا ذولا رائد ومتعب  اللي حشو بكم
رائد بصدمه : وجع خالد !! انا ما تكلمت حتى ترميها فوق راسي ؟
متعب : نوييييصر حمدانوهه
ناصر بضحكه : متعووووب متعبييي
حمدان : متععععب
سياف بتنهيده وهو يمسك جبهته : هيا خذلك اجتمعم ذيلا ،
فيصل : الله يعيينا بس
ردو العيال : اميين
فهد : الا وين باقي العيال عبدالمحسن وعمر وحمد ؟
سعود :والله مدري وينهم فيه بس اتوقع يا انهم في بيوتهم يا انهم فالديره يساعدون الشيبان للعزيمه ،
زياد بستغراب : عزيمه وش ؟
رائد : ذبايح علشان ولدي خالد
فيصل : ماشاءالله سميته خالد ؟ عاشت الاسامي يتربى بعزكم ان شاء الله
خالد : شايفين بس من زود حبه لي
متعب :سيافي  بتسمي على اسمي صح ؟
سياف : سياف اسمي سياف لا تناديني سيافي
ناصر : سفسف طيب ؟
سياف بتنهيده طويله : ولا سفسف لا تدلعون اسمي ما احب حد يدلعه ،
سعود بهمس لسياف : ماعليه اصبر عليهم ان الله مع الصابرين
ضحك سياف وقال حمدان بفصول : ضحكنا معك ؟
سياف: خل الللقافه عنك يالعشير
حمدان : ابشر يالعشير .
زياد تنحنح وقال : طيب حنا نستاذنكم ماسكين كلنا خط وتعب الف
تقدم سياف يصافح زياد وقال : ابد خذو راحتكم ، بس بتجون الليله عالعشى بعد صلاه العشاء ، وفي عشى للحريم عندنا فالبيت بعد قولو لعبير واعتام وندى وعذاري
زياد ببتسامة: ان شاء الله لا توصي ( مشو العيال كلهم يروحون لا اقرب فندق يستريحون  )

بالديره | مجلس الشيبان |
ابو عمر : واهم حاجه  كلشي يكون جاهز قبل يجون الرجاجيل ، ولا تنسون توصلون باقي الذبايح لجمعه الحريم  وتوزعون الباقي للمحتاجين ،
عمر : ابشر يبه  ولا يهمك كلشي زي ما تبغيه يكون بيكون ان شاء الله
ابو عمر : الله يرضى عليكم ويوفقكم ياوليدي ،
ايتسم عمر وناظر لعبدالمحسن وحمد وقال : يلا اجل ياعيال ؟
حمد وعبدالمحسن: يلا ( مشو حمد وعمر وعبدالمحسن يشوفون شغلهم)
وابو عمر جلس مع الجد عبدالله وابو سعود وابو سلطان وباقي الشيبان يجهزون كل حاجه ويرتبونها ،

نروح لبيت عائلة الجد عبدالله | بيت الجد عبدالله تحديدا | المجلس الكبير
جلست وديان تبخر المجلس وتزينه هي والهنوف ويحطون والفناجيل وكاسات الشاهي والى اخره بالمجلس ، طبعا ام هتان كانت جالسه مع بنتها تهتم بخالد الصغير بحكم ان هتان تعبانه ولا قادره تسوي حاجه او تقوم من مكانها : وام سعود وام تنوف جالسين يجهزون الحلا والقهوة والشاهي ،وذي الأشياء ، وتنوف جالسه بالحوش الامامي مع ترف بحكم انها حامل وماتقدر تسوي حاجه ابدا) وديان : وين احط ذي الطاوله ؟
ناظرت الهنوف لوديان واشرت لها بيدها : حطيها هناك
وديان : زين ( حطت الطاوله وديان بالمكان اللي اشرت لها الهنوف عليه ومن خلصو ترتيب راحو يتكشخون وبعدها جلسو مع تنوف اللي كانت متكشخه اساسا ومنتظرتهم يخلصون ،،