ماطلبت عذرك أنا نفسي عزيزة

Part : 40

سالم بتوتر : البضاعة كامله صح ياعزيز
عزيز هز كتوفه: ما..( ماكمل عزيز كلامه الا دخل واحد من افرادهم )
شخص : المخدر^ات جاهزه ؟
عزيز : جاهزه بتسلمونها اليوم ؟
الشخص : اي بنسلمها انا وفرد ثاني ( تقدم الشخص من البضاعة ورمى كيسين من المخذر^ات لعزيز وسالم : هذي حصتكم لليوم والفلوس بنسلمها لكم من نبيع الباقي
ابتسم عزيز وهو ياخذ المخدر^ات يشمها : اهخ ياروقان
ضحك الشخص وسحب معه البضاعة وطلع برا المستودع
سالم ابتسم من دق جواله  وتكلم بالانجليزي : اهلا ياجميلة  حقا رائع اذن جهزي معكِ واحده أخرى لصديقي ( قفل سالم الخط وناظر عزيز ببتسامة)  فاضي الليله عندي لك بنت اهخخخ صاروخ
ضحك عزيز وهو يقول : فاضي بتجيب معك خمر ولا اجيب انا؟
سالم : بجيب الا عطني سيقاره،
عزيز : غريبه مالك لاف ؟
سالم: مالحقت رمته امي بالغلط وقالت اشتري غيره تحسبه دخان عادي وحليلها
ضحك عزيز وهو يمد علبه الدخان لسالم : امسك امسك من حظك لافها اليوم ( سحب سالم علبه السقاير او الحشي^يش من يد عزيز وشغلها)

في شقه حمدان | عبير وهي تحط الغذاء على الطاولة: يلا حمدان وش لك ساعه تسوي
حمدان ببتسامة : ولا شي ياعيوني وين اعتام ؟
عيير : تذاكر عندها إختبارات بخلال هالاسبوعين
حمدان : الله يوفقها ماودها تتغداء؟
عبير : لا تقول مالها نفس بتخلص مذاكره  اول
حمدان : اها ( جلس حمدان قبال عبير ببتسامة وهو يتامل وجهها )
هو طبيعي انكِ دايم حلوه ؟
أبتسمت عبير بخفه وهي تناظر بعيون حمدان : أدري ماعدت زي قبل لا تجامل
مسك حمدان يد عبير ببتسامة:وليه اجامل ؟ انتي دايما حلوه
حتى باصعب اوقاتكِ وبتعبكِ وبتبقين بعيوني اجمل بنت بوجهه الكره الارضية ( ابتسمت عبير بخفه وجا صوت اعتام اللي تضحك ) هالله يالرومنسيه ترا مو لقافه جايه اخذ من عندكم عصير برتقال لو مسويين
عبير بضحكه : تعالي خذيه
تقدمت اعتام تاخذ العصير وجت بتمشى بس سمعت صوت عبير تقول لها : اعتام تكفيين قبل ترجعين تذاكرين خذي الاكل إللي بالمطبخ ووصليه لشقه سياف وسعود اكيد بعدهم ما تغدو
اعتام هزت راسها بالايجاب ودخلت للمطبخ تشيل الاكل سحبت الشيله اللي عند الباب وتقدمت من باب الشقه اللي قبالهم تدق الباب ،

بشقه سياف وسعود | جالس سياف بالصاله عالكنب وبحضنه الابتوب حقه وبيده الثانيه قهوته وعلبه دخلنه قدامه عالطاوله
قام سعود يفتح الباب وكالعادة شاف اعتام اللي ماسكه بيدها الاكل وخذاه من يدها : مشكوره اعتام ماتقصرين
اعتام: علشان سياف مو علشانك ترا
سعود ناظر اعتام بطرف عين : أسمع هالجملة كليوم ترا خلاص حفظتها ترا ما اخاذه منش الا علشانه طباخ عبير ماهوب طباخش
اعتام : لو ماعندي مذاكره اليوم كنت بتهاوش معك بس مالي خلقك
سعود : اختبارتش بدت صح ؟
اعتام : للاسف اي بتدعي لي بالتوفيق صح؟
سعود وهو يسكر الباب: بدعي عليش وانتي الصادقه
انقهرت اعتام من سكر الباب بوجهها ومدت لسانها وهي ترجع لبيتها
ضحك سعود وحط الاكل على الطاولة قدام سياف : بروح اجيب صحون من المطبخ  وبجيلك
سياف  ابتسم بخفه من شاف سعود اللي كان يضحك  : عساها دايما
سعود بستغراب: وشهي ؟
سياف وهو يرجع نظره للابتوب : لا تحسب حسابي مانيب بجيعان
ماعلق سعود على كلام سياف ودخل للمطبخ يجيب الصحون ورجع يحطهم بالطاوله كانه يجبر سياف على الامر الواقع ،
رفع نظره سياف عن الابتوب يناظر بسعود اللي كان يجهز الطاوله تنهد وقام من مكانه يجلس بالكرسي : ماودي اكسر بخاطرك بس ولا مانيب بجيعان والله
أبتسم سعود وجلس عالكرسي بعد ماجهز الصحون كلها وزي ماتوقع ماهي ثواني حتى دق الجرس وقام من مكانه يفتح : هلا نوصير وفصيل ادخلو
دخل فيصل وناصر اللي كانو كليوم في شقه سياف وسعود يتغدون ويتعشون معهم ، ويبقون معهم لأخر الليل واحيان ينامون عندهم كلها محاولات علشان يرجعون سياف زي ما كان بس للآسف ماكان فيه فايده كل يوم يزيد برود سياف ويقل كلامه معهم ،،