ماطلبت عذرك أنا نفسي عزيزة

Part : 34

صحت الهنوف بدري وصحت معها وديان وترف ،
ومن بعدها راحت تصحى هتان وشافتها صاحيه تذاكر ،
الهنوف : صباح الخيير
هتان ببتسامة: صباح النور
الهنوف: جاهزه ؟
هتان : اي
الهنوف : طيب انا بروح اصحى الباقي اجل
هتان : طيب
تركت الهنوف هتان بالغرفه وراحت تصحى امها وعمتها ام هتان
اما وديان راحت تصحى اخوانها ،
وديان بصراخ : اصحووو اصحوووو
سعود فتح عيونه وهو منزعج : شفيه ؟
وديان : الساعه ست ونحن جالسين نحضر الفطور ويبه يقول اصحو تجهزو عشان نفطر ونمشى
سعود : تمام ياقلبي
ابتسمت وديان وطلعت برا الغرفه ،
سعود : سياف ؟
سياف وهو يفتح عيونه بتثاقل : صاحي صاحي
سعود وهو يحاول يصحى الباقي : خالد ؟ رائد متعب ؟ اصححوو
سياف وهو يقوم من فراشه : خلهم قم تروش من نتروش نصحيهم
سعود : تمام بتتروش قبلي ؟
سياف : لا بدخل غرفتي اتروش هناك كذا اسرع
سعود : تمام اجل حتنا بستخدم غرفتي
سياف : حلو اجل يلا
تحرك سعود هو وسياف كل واحد فيهم  راح لغرفته يتروشون هناك كانت غرفهم وجيهم  قبال بعض ونفس الشي لغرفه رائد وخالد غرفهم كانت قدام بعض بس كلهم مايستخدمون غرفهم وينامون عند خالد زي ماتعرفون،

الجد عبدالله جلس بالحوش يقرا قران عبال مايجهز الفطور
وابو سعود وابو متعب جالسين يستغفرون ويصلون عالنبي ،
الهنوف و وديان وهتان كانو يساعدون ام سعود وام هتان بتحضير الفطور
ترف كانت بعدها تحس بنعاس وماهي قادره تصحصح ونايمه بحضن جدها ،

( نروح لبيت تنوف )
بغرفه تنوف ، صحو الاثنين على صوت المنبهة
تنوف بتثاوب : احس ماشبعت نوم
اعتام : حتنا والله
تنوف:  بكمل نوم
اعتام : مابنروح نكشت؟
تنوف فتحت عيونها وهي تتذكر الكشته : نسيتت وربي
اعتام بضحكه : قومي قومي نسوي الفطور بعدين نتروش ونتجهز
تنوف قامت من سريرها وتاجهت للحمام (اكرمكم الله) غسلت وجها وفرشت اسنانها ومشطت شعرها وطلعت : يلا اعتام ادخلي غسلي وجهك بنزل اساعد امي ولما تخلصين انزلي لنا
هزت راسها اعتام بالموافقه وقامت من السرير ودخلت تغسل وجهها وتفرش اسنانها ،
تنوف نزلت للمطبخ وحصلت امها مجهزه الفطور وجالسه ترتب الطاوله،
تنوف : صباح النور يمه
ام تنوف ببتسامة: صباح الخير يابنيتي
تنوف : يمه ليه ماصحيتيني اساعدك ؟
ام تنوف : حبيت اتركم تستريحو وتشبعو نوم قبل نطلع الا وين بنيتي اعتام للحين ماصحت شكلها تعبانه
تنوف : الا صاحيه قالت بتغسل وجهها وبتجي
اعتام دخلت للمطبخ وابتسمت من شافت ام تنوف: صباح النور خالتي
ام تنوف ببتسامة: صباح النور يابنيتي
تنوف ابتسمت وجلست تناظر بستغراب : يمه وين ابوي؟
ام تنوف : راح يجيب خبز مخلص من عندنا
تنوف : اها
ابو تنوف دخل  للمطبخ وبيده الخبز  : سلام عليكم
ام تنوف : وعليكم السلام
ابو تنوف ببتسامة من شاف اعتام وتنوف صاحين: صح نوم يابنياتي
تنوف : صح بدنك يبه
اعتام : صح بدنك ياعم
ام تنوف : ليه تاخرت ياعبدالهادي
ابو تنوف : اسف حبيبتي بس كان زحمه شوي عند المخبز
اعتام : ماهي مشكله ياعمي لمهم جيت بالوقت
ابتسم ابو تنوف وجلس عالطاوله : سمو بالله وبعدها افطرو
سمو بالله الكل وبدو يفطرون ،