ماطلبت عذرك أنا نفسي عزيزة

Part : 2

حبايبي البارتات يحتاج لها تعديل بالسرد خفيف بعدلهم من اختم الروايه باذن الله البارت الاول عدلت سردي عليه والباقي من اختم ان شاءالله ببدا اعدلهم شوي شوي لانه السرد ببدايه الروايه مالي مقتنعه فيه ابدا  وذا طبيعي بسبب اني تطورت بسرد ولحمدلله  الفضل لـ الله واشكر محبتكم لي بناتي ولكم كميه الحب نفسها بقلبي واكثر 🩶🫶🏻

"صباح اليوم الثاني "

تحديدا في الديره | بيت عائلة الجد عبدالله |
اذن اذان الفجر وصحو وابو سعود والجد عبدالله ،
راح ابو سعود يشوف عياله لو صحو حتى يصلون صلاه الفجر وصل لغرفتهم وحصل الكل نايم فز سعود  من نومه على دخول ابوه الغرفه ،
ابو سعود : قم انت وياه لا بارك الله فيكم للحينه نوم ؟؟
سعود وهو يقوم من مكانه بسرعه: لا يبه  صاحيين صاحيييين
ابو سعود بعصبيه  : وهالبغلين اللي منخمدين وش تفسرهم؟
سعود: لا يبه ماعليك لحينه نصحيهم
ابو سعود وهو يخرج من الغرفه: قدامكم دقيقتين والله لو ماشفتكم منزرعين قدامي بخلي عصاي تعلمكم ان الله حق
سعود : أن شاءالله يبه ( طلع ابو سعود من الغرفه وناظر سعود للعيال وحصل رائد وخالد نايمين بس ماحصل سياف ففراشه واستغرب وصار يصحي رائد وخالد ،، على طلوع سياف من الحمام (اكرمكم الله ) كان يغسل وجهه  وحصل سعود صاحي وجالس يحاول يصحي رائد وخالد
سياف: لا تتعب نفسك مدري ذولا وشلون نصحيهم لحينه ،
سعود بغباء : مالنا غير نصحيهم ؟
ناظر سياف سعود بنرفزه وقال : لا والله صدق ماكنت ادري انه نصحيهم  وخلاص
سعود بغباء اكثر : ايوالله
سياف بنفاذ صبر من غباء اخوه: يالغبي ذولا لو حصل زلزال الحينه مايصحون تبينهم يصحون على اصواتنا حنا ؟
سعود وهو توه يستوعب: ايوالله البلشه ذولا وش بيصحينهم الحينه ؟
خرشهم صوت ابو سعود وهو يصارخ بعصبيه : وش صار عليكم؟؟
سياف وهو يرفع صوته علشان ابوه يسمعه : صحو صحو يبه
سعود بتوتر:  قم خلنا نرمي عليهم مويه ممكن يصحون لا نصير ذبيحه اليوم
سياف : وين المويه؟
سعود : جنب فراش رائد
تحرك سياف وخذ المويه وبدا يرشها على رائد وخالد، بس مافاد ولا حسو بحاجه  سياف طفش من محاولاته وهو يصحيهم وناظر لسعود وقال : مافي فايده ذولا مايصحون
سعود : عز الله أننا صرنا ذبيحة لليله
دخل ابو سعود الغرفه وشاف رائد وخالد بعدهم نايمين عصب اكثر وقال بعصبيه : روحو انتم الحقو جدكم للصلاه
قالو سعود وسياف وهم عارفين وش بيصير في رائد وخالد وحاسين بالاسف عليهم : أن شاء الله يبه (ومن بعدها طلعو من الغرفه ولحقو جدهم للصلاة )
ابو سعود مسك عصاته بعصبيه وقرب من رائد وخالد وبدا يضربهم فزو خالد ورائد على ضرب أبو سعود
خالد وهو متالم من ضرب ابو سعود له : استهدي بالله
رائد : ايوالله يبه تعوذ من الشيطان
ابو سعود بعصبيه مامن شيطان غيركم انتم الاثنين اذن صلاة الفجر من كم دقيقه وأنتم للحينه منخمدين يلا قدامي للمسجد لا بارك الله فيكم
رائد وخالد بخوف : أن شاءالله