فتح عيونه بتعب وهو يحس بثقل فوقه دقق عدل باللي نايمه بحضنه وابتسم من شافها ترف ، مسح على شعرها بحنيه وهو فعلا مشتاق لها سدحها مكانه وغطاها بالحاف ودخل يتروش ،، شويات وطلع من الحمام ( اكرمكم الله) ولبس ثوبه وطلع للحوش حصل الجد عبدالله جالس بالحوش : صباح الخيرابوي
الجد عبدالله ببتسامة: صباح النور ياوليدي تعال اقرب اجلس بقربي
ارتسمت ابتسامه خفيفه على وجهه سياف وتقدم يجلس قرب الجد عبدالله ،
الجد عبدالله : عساك نمت كويس ؟
سياف : ايه لحمدلله ابوي
جا صوت ابو سعود وهو يقول : يالله صباح خير
سياف : صباح النور يبه
الجد عبدالله : ها ياحسن وش صار معك
ابو سعود: توني راجع من عنده وكلمته عن رفضنا وانه ولد عمها كان طالبها من قبل وانه ملك عليها بالامس وعرسهم ان شاءالله الاسبوع الجاي وماقال شي الرجال بالعكس جلس يبارك لي وكذا
الجد عبدالله : الله يبارك به
جاهم صوت خالد اللي يصارخ : سـيـااف يا سـياف
سياف بستغراب وهو يرفع صوته حتى يسمعه خالد : هلااا !
خالد: تعااال بسرعهه ترفف ازعجتنا تصايح
فز سياف بسرعه بخوف يدخل للبيت وينادي : تـرف ! تــرف !
ركضت ترف بسرعه لحضن سياف اللي فتح لها ذراعينه وحملها : وش فيش ياقلبي تصيحين ؟
سعود بتثاوب : تدورلك ماحصلتك جنبها وقامت ازعجتنا
رائد بنزعاج وهو يفتح باب غرفته : يالله صباح خير وش هالازعاج من اول الصباح ؟
خالد : اقفل الباب وارجع لهتانك وانخمد انت يالورع
رائد : وجع اذلف بس
خالد: متعب وش وضعه لا قامت القيامة استغفرالله ماصحى
رائد بتثاوب: ذا يبيله هبد وربك
سعود : بدخل اتروش صحو هالمتعب بطريقكم انتم
خالد : زين ( مشى سعود يتروش ) ونطق رائد : عن نفسي حتى انا بتروش خالد اتمنى لك التوفيق
خالد بطرف عين : اذلف عن وجهي بس
رائد بضحكه وهو يدخل غرفته : ابشر يالعم طلباتك أوامر
خالد : والله مابه احترام للعم بذي العائلة( كمل كلامه خالد بصراخ ) متععععب جايييلك يالورععع ( صد خالد يدخل يصحى متعب )
اما سياف سحب عليهم هو وترف وطلعو للحوش ،
ابتسم بحنيه وهو يمسح على شعرها: وش فيها ترفي تصيح ؟
ترف بدموع : لا تروح مره ثانيه
سياف :ياقلبي لازم ماهوب بيدي شغلي كذا ياقلب اخوش انتي لا عاد تصيحين اوعدش بجيش كل فتره بس لا تصيحين كل شي الا دموعش فاهمه؟ (هزت راسها ترف بالايجاب وهي تحضن اخوها بقوه )
ام سعود ببتسامة: صباح الخير ياوليدي
سياف بيتسامة: صباح النور يالغاليه
ام سعود: وش بلاها ترف حاضنتك كذا
سياف بضحكه : من زود الشوق يمه
ضحكت ام سعود وقربت من سياف تاخذ ترف من حضنه : تعالي يمه ترف بعطيش ادوياتش
هزت راسها ترف بالرفض وتمسكت بحضن سياف اكثر : لا ابغى سياف
ام سعود بتنهيده : سياف وانا امك ادخل قول لوديان تعطيك ادوياتها
سياف : تعبانه ؟
ام سعود: ايه لها فتره كذا
ناظر سياف لترف وشد على حضنه لها : زين يمه بعطيها انا ادوياتها
ام سعود : زين وانا امك ( مشى سياف لوديان حتى ياخذ ادوياء ترف ويشربها هي اما ام سعود دخلت للمطبخ تحضر الفطور )
أنت تقرأ
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
