ماطلبت عذرك أنا نفسي عزيزة

Part : 21

رائد : ايه صدق
هتان بوناسه: الله يعني في فعاليات
رائد : افا انا وخالد مب مالين عيونكم
هتان : الا بس جو غييرررر يوم نجتمع كلنا
رائد بضحكه: صدقتي يا اني مشتاق لهم بالحيل
هتان بضحكه: ادري
رائد : وش دراش؟
هتان : من حبكم لبعض
رائد ابتسم وقام وهو ينفض ثوبه : ادخلي للداخل جو برد عليش وانتي مب متدفيه عدل
هتان فعلا كانت لابسه ملابس خفيفه ابتسمت وراحت لغرفتها رائد ابتسم وهو يناظرها حتى دخلت للبيت بعدها تحرك من مكانه ورجع لخالد
خالد كان يفرفر في جواله بملل من طلع رائد يشوف هتان
رائد : خوييلللد
خالد : الله يستر شتبي ؟
رائد بضحكه: ولا حاجه نطلع الدوانيه؟
خالد ناظر ساعته : مابقى شي لصلاه لمغرب
رائد : ايه ادري نصلي المغرب ونطلع الدوانيه
خالد : ماشاءلله مب توك كنت تعبان ومخوفنا عليك صدق انك بسبع ارواح قم نتجهز لصلاه المغرب بس
رائد بضحكه: عشره بعيونك بس
خالد ضحك وطلع هو و رائد يستعدون لصلاه المغرب

هتان رجعت للبنات وهي مستانسه ولا تدري وش سبب بس تحس بقلبها شويات ويطير
تنوف ببتسامة: عسى دوم هالابتسامه
هتان بضحكه: ماعليك نشوف ابتسامتك بكرا
تنوف ضحكت وهي فاهمه وش تقصد هتان
وديان والهنوف كانو مستغربين من هتان وتنوف وش يقصدون بكلامهم
جا صوت ام سعود تناديهم
ناظرت الهنوف من شباك وشافت امها تشاور لها تنزل
الهنوف : بشوف يمه وش تبغى وبجيلكم
البنات ردو: بتمام
نزلت لهنوف لا امها
ام سعود : يمه حضري غرفه رائد وخالد بكرا ان شاءالله بيجون اخوانش وتدرين بهم مايحبون الفوضى
الهنوف ببتسامه: ان شاءالله يمه
ام سعود ببتسامه: الله يرضى عليش وانا امش
ابتسمت الهنوف وراحت تنادي وديان تساعدها وشاركو بالتنظيف هتان و تنوف
وديان كانت تلم الفوضى والهنوف تكنس
وهتان تنفض الغبار وتنوف ترتب الفراش لهم
الهنوف : بطلع ارتب غرفه الجد عبدالله دام عمي ابو متعب جاي
وديان : زين بجي معش
الهنوف : زين يلا
راحو وديان والهنوف يرتبون غرفه الجد عبدالله
هتان كملت ترتيب وهي ترتب الغرفه ماكان باقي لهم كثير
تنوف رتبت فراش سعود ومتعب وحطتهم قريب من فراش رائد وخالد وبقى اخر فراش راحت تجيبه وابتسمت وغمضت عيونها وهي تشم عطره اللي فعلا مشتاقه له
هتان : تنوف حطي فراش سياف هنا
تنوف انتبهت وبسرعه حطت الفراش قرب فراش سعود
وطلعو بعدها للحوش يجلسون مع الحريم
الجد عبدالله وعياله طلعو مجلس الشياب رايحين للمسجد يصلون المغرب ،،،،بعد صلاه المغرب
واقف عمر و حمد مع خالد و رائد قدام باب المسجد يتكلمون ، عبدالمحسن طلع من المسجد وشافهم
عبدالمحسن : سلام عليكم وش تسوون
ردو الباقي: وعليكم سلام
خالد : اقرب اقرب ياملقوف
عبدالمحسن بضحكه : وشهو جدول لحينه؟
عمر : دوانية تقلط معنا؟
عبدالمحسن : افا عليك دوانية بدوني ماتكمل ترا
رائد : يقلع ام ثقك ياشيخ
حمد: بجيب العود وبلحقكم
رائد : خله بنلعب بلوت مابنطول فالدوانيه اليوم
عمر بستغراب: ليه شعندكم؟
خالد بضحكه: صحيه بدري نستقبل فيها سعود وسياف وراس المصايب متعب
عبدالمحسن : اما عاد بكرا جاين
خالد : ايه تصدق اليوم كان السباق بس متعب الحيوان يقول مابيعلمونا نتائج حتى يرجعون ديره
عمر بضحكه: متعب مايبطل حركاته
حمد : يلا نتحرك للدوانيه نكمل سوالف هناك الا اذا ودكم تسولفون عند باب لمسجد وعاجبكم السوالف مره هنا
عبدالمحسن : شفيه ذا نفس علينا؟
رائد : صدق بنجلس نسولف هنا حنا بعد؟
عمر: لا اكيد يلا اجل نمشى للدوانيه
خالد : يلا
مشو العيال للدوانيه و الجد عبدالله وابو سعود رجعو للبيت ابو تنوف خذ زوجته وبنته ورجعو بيتهم
الهنوف والباقي جلسو يحضرون العشاء