رائد : لحمدلله ما انفك الجرح
متعب : لحمدلله
خالد : يحتاج اروح المدينه اجيب مطهر جروح وشاش حتى نضمد لك مكان العمليه
سياف وهو يطلع من الحمام : مايحتاج رح سيارتي تحصل ورا بالصندوق علبه اسعافات أوليه رائد خذ مفاتيح سيارتي ورح جب العلبة
رائد : وين حاططها؟
سياف وهو ياشر على دولاب ملابسه : داخل تحصلها باول درج
رائد : تمام ( مشى رائد لدولاب سياف يطلع مفاتيح السياره وبعدها طلع يجيب علبة الإسعافات الأولية )
متعب : مسرع تروشت ؟ مالك دقيقه حتى ؟
سياف : بعدني ماتروشت بس تذكرت جرح سعود يحتاج له تضميد لازم نغير له الشاش
سعود : دامك ماتروشت ابعد خلني اتروش قبلك
سياف بتنهيده : زين
دخل سعود يتروش وبقى بالغرفه متعب وخالد وسياف ،
سياف وهو يناظر خالد : شفيك تناظرني ؟
خالد : ما تحس انكم زودتونها مع وديان ؟
سياف وهو يرفع حاجبه بستغراب : من متى تعلمني شلون اتكلم !
خالد : مالمقصد بس ( سياف ناظر خالد بحده وطلع من الغرفه قبل خالد يكمل كلامه حتى )
خالد بتنهيده: شفيه سياف ؟
متعب : مدري والله بس ماله طبيعي
رائد بستغراب وهو يدخل للغرفه وبيده علبة الاسعافات : وين سعود
و سياف ؟
خالد : سعود يتروش وسياف دخل غرفته
رائد بستغراب: سياف دخل غرفته ؟ غريبه وش صاير
متعب وهو يتكتف : ابد بس صار بين خالد و سياف شد بالكلام شويه
خالد : اي شد ؟ ماخلاني اكمل كلامي حتى الا اشوفه يطلع من الغرفه
رائد بتنهيده وهو يحط علبه الإسعافات الاولية عالطاوله : امسكوه من يطلع سعود من الحمام ضمدو له جرحهه
خالد : زييين
متعب : رائد بتروح تكلم سياف صح ؟
رائد : ايه
متعب : خلك انا بكلمه عنك
رائد : بس ؟
متعب : بدون بس لو تكلمت معه وهو بذا الوضع بتتهاوشون اثنينكم
خالد : رائد صح كلام متعب لا تروح وتكلمه لا تتهاوش انت وياه
رائد بتنهيده : تمام بطلع اشم شويه هواء
خالد : زين
متعب وهو يقوم من مكانه : بروح لسياف
خالد : طيب
راح متعب لغرفه سياف يكلمه بس ماشافه بالغرفه وسمع صوت المويه وعرف انه يتروش جلس عالفراش وهو ينتظره يطلع ،
، الهنوف كانت تجمع الملابس واستغربت من شافت وديان اللي طلعت من بيت العيال وهي تركض ،،،،
بعدها بشويات يطلع رائد و يستند عالجدار وياخذ نفس طويل ،
الهنوف بخوف : فيك حاجه ؟
رائد ببتسامة: لا ياقلبي
الهنوف : بس قلبي مايقول كذا
رائد بضحكه: نسيت انش توامي وتحسين فيني
الهنوف ببتسامة: احس
رائد بتنهيده: تعبان يالهنوف بالحييل
الهنوف بخوف : وش متعبك ؟
رائد : احس ذي اليومين كانت ثقيلة علي بالحيل ياعيون اخوش
الهنوف وهي تمسح على شعر رائد بحنيه: لا تضايق نفسك ياقلبي
رائد بتنهيده : حاس بذنب هاوشت وديان وخليتها تصيح
الهنوف بستغراب : ليه هاوشتها ؟
رائد : تعرفين وديان وتهورها نقزت فوق سعود وهو ماله يومين حتى مسوي عمليه
الهنوف بخوف : ياويليييي عسى ما انفتح جرح سعود ؟
رائد : لا لحمدلله ما انفتح بس كان ممكن ينفتح من تهورها وعلشان كذا هاوشتها انا وسياف
الهنوف: لحمدلله ماعليك وديان بتنسى ( وكملت كلامها بستغراب )
بس متى وديان شافت سعود ؟
رائد بضحكه : يو ماتدرين سياف وسعود انحاشو من المستشفى امس فالليل
الهنوف بشهقه : كيف وجروحهم ؟
رائد : لحمدلله جروحهم بخير
الهنوف : ياويلييي
رائد بتنهيده: وضع سياف مب عاجبني
الهنوف : شفيه ؟
رائد : ماندري وش فيه معصب ومتنرفز من اليوم وكلنا خايفين نكلمه
الهنوف : مب بطبع سياف يطلع عصبيته علينا مهما حصل
رائد : وذا اللي صادمني يا الهنوف ،
أنت تقرأ
ماطلبت عذرك أنا نفسي عزيزة
Romanceروايتي الأولى"مكتملة " تمت كتابتها بواسطة: وديان آل سيّـاف ✍🏻 ، حسابي إنستا ( ilc2oo )
