''အချစ်ဟုခေါ်သည်''

Part-6

(Unicode)

စိမ်းမဟာနွယ် တယောက် ညနေခင်း ကားလေးမောင်းပြီး
သူမ၏ ကော်ဖီဆိုင်လေးဆီသို့ ထွက်လာခဲ့သည်။ထိုအချိန်
လမ်းချိုးလေးတခုသို့ ရုတ်တရက်ကြည့်လိုက်မိသည့်အခိုက်
မြင်ကွင်းလေးတခုကြောင့် ကားလေးအား လမ်းဘေးနားသို့ ထိုး ရပ်လိုက်သည်။ ထိုလမ်းလေးထဲတွင် မိန်းကလေးနှစ်ယောက် တယောက်က စကိတ်ကို မစီးတတ်စီးတတ်နှင့်စီးနေပြီး ကျန်တယောက်က တော့ ဘေးမှထိန်းပေးနေသည်။ထိုမိန်းကလေးနှစ်ဦးအား အချိန်ခဏကြာသည်အထိ
စိမ်းမဟာနွယ် ကြည့်နေမိသည်။ ​ထိုသူနှစ်ဦးအနက်မှ ပြုံးရွှင်လျှက် စကိတ်စီးသင်ပေးနေသော နှောင်းရိပ်သျှင် ဆိုသည့် ဂျစ်ကန်ကန် ကလေးမလေးအားကြည့်နေသည်ဟု ပြောလျှင်ပိုမှန်ပေမည်။စိမ်းမဟာနွယ် တယောက် ရိပ်အားကြည့်ကာ နှုတ်ခမ်းသားလေးတွေးဟာ အလိုလို ပြုံးနေမိသည်။ခေတ္တခဏကြာသည်အထိ ငေးကြည့်ပြီးသည့်နောက်တော့ သူမသွားရမည့် coffeeဆိုင်လေးဆီသို့ ဆက်သွားခဲ့တာပေါ့။

''အစ်မစိမ်း ဘာသောက်မလဲ။
ညီမတို့ ဘာစီစဥ်ပေးရမလဲဟင်''

ဆိုင်က ဝန်ထမ်းမလေးက စိမ်း ဆိုင်ထဲကိုဝင်သည့်နှင့်
အပြေးလေး ကြိုဆိုလေသည်။ထိုဝန်ထမ်းမလေးအား
စိမ်း ပြုံးပြလိုက်ပြီး ......

''americano ပဲချပေး ညီမလေး''

ထို့နောက် စိမ်းသူမ၏ကိုယ်ပိုင်အခန်းလေး ဆီသို့ မသွားပဲ
ပြတင်းပေါက်နားက ခုံလေးမှာပင် ဝင်ထိုင်လိုက်သည်။
ထို့နောက် လာချပေးသည့်coffeeခွက်လေးအား
ကြည့်ကာ သူမပြုံးမိပြန်သည်။အဘယ်ကြောင့်ဆိုသော်
coffeeဆိုင်မှာ စတွေ့ခဲ့သည် ထိုအဆိုးတပိုင်း
နှောင်းရိပ်သျှင်ဆိုသည့် ကလေးမလေးအား သတိရမိ၍ဖြစ်သည်။

!!Will you only need the light when it's burning low!!

အတွေးများထဲနစ်ဝင်နေစဥ်ကြားလိုက်ရသော ဖုန်း
ringtone သံကြောင့် စိမ်းမဟာနွယ် လန့်သွားရသည်။
ဖုန်းscreen လေးကို ကြည့်လိုက်တော့ ဒယ်ဒီ ဆီကဖြစ်နေ၏။ စိမ်း မျက်နှာပေါ်မှာ ပြုံးရိပ်လေးများသမ်းသွားခဲ့သည်။

''ဟယ်လို ဒယ်ဒီ ''

''သမီးစိမ်း နေရောကောင်းရဲ့လား သမီး''