" ဒီနေ့ သတင်းမှာလာတာ ကြည့်လိုက်ရလား
မသိဘူး..ကျောင်းသူလေးတစ်ယောက် က
စာမေးပွဲအတွက် သူရဲကောင်းတွေအကြောင်း
မေးတဲ့ အဖြေလွှာကို စာရွက်အလွတ်ကြီး
ထပ်ပေမယ့် အမှတ်အပြည့်ရသွားတဲ့
အကြောင်းလေ "တိတ်ဆိတ်နေသော မနက်စာဝိုင်းအား ေဒါ်လေးမှသတင်းတစ်ခုဖြင့် စတင်လိုက်သည် ။ မင်းမြတ်သည် ဒေါ်လေး၏ စကားကို မထူးဆန်းဟန်ဖြင့်ပုခုံးတွန့်ကာ ကြာဇံချက်ပန်းကန်အား မွှေလျက်..
" မထူးဆန်းပါဘူး..ဆရာကို လာဘ်ထိုးတတ်ရင်ရတာပဲ.."
" သားတို့်အတန်းထဲမှာလည်း ရှိတယ်...သူက
အတန်းပိုင်ဆရာမကို လတိုင်း ဆီပုံးတွေ ဆန်တွေနဲ့ကန်တော့တာ..အဲ့ဒါကတော့ main ပေါ့ဗျာတခြား ပါတိတ်တို့ဘာတို့လည်း ပါမှာပေါ့ အဲ့ကောင်မလေး ကလေ ပထမ အတော်ဆုံးကနေကိုမဆင်းတော့ဘူးဗျာ "" သန့်ကြည်စင်ရယ်.နင့်ကို ဒါတွေမကြိုက်တာသူများကို သွားစွပ်စွဲပြန်ပြီ သူ့ဟာသူ တော်လို့ ရတာနေမှာပေါ့..နင့်ဟာနင်ကျ မကြိုးစားဘဲ "
မာမီ က လေပြေကလေးနှင့် သန့်ကြည်စင် အားဝင် ဟန့်သည် ။ မင်းမြတ်စိတ်ထဲတွင်လည်းမာမီ့စကားကို ထောက်ခံမိသည် ။ သို့သော်သန့်ကြည်စင် က လက်ဖဝါးနှစ်ဖက် အားဝှေ့ယမ်းကာ ခေါင်းခါ၍..
" နိုး...နိုး...နိုး...သား ပြောတာ မဆုံးသေးဘူး..
ကြီးကြီးပြောသလိုပဲ သူ့ဟာသူ တော်လို့ရတယ်ပဲထားပါ..ဒါပေမယ့် အတန်းပိုင်က အဲ့ကောင်မလေး လုပ်တဲ့ အပြစ်တွေကို သူ့သူငယ်ချင်း ကို လွှဲချတာ "" ဘာရယ်.."
" ဟုတ်တယ်..ဆရာမက စာသင်နေတာ အဲ့ကောင်မလေးက သူ့သူငယ်ချင်း ကို စကား ကပ်ပြောတာ သားမြင်လိုက်တယ်..သူ့သူငယ်ချင်းကစာကြည့် လို့ ပြန်ပြောတာလည်း ကြားတယ်ဒါပေမယ့် ဆရာမက ဆူတော့ သူ့ သူငယ်ချင်း ကို.."
" ေဩာ်...ဒါကတော့ ဒီလိုပဲ အမှတ်မှားတာ
နေမှာပေါ့ မင်းကိုက အကုသိုလ်လိုချင်နေတာ
ဒါကြောင့်လည်း အခုထိ Fa ဖြစ်နေတာ.."မင်းမြတ် သည် သန့်ကြည်စင် အား မသိမသာဖဲ့လိုက်သည့်အခါ သန့်ကြည်စင် က လက်ထဲမှဇွန်းအား ပန်းကန်ထဲ ပစ်ချလိုက်သည် ။
YOU ARE READING
ချစ်အိမ်ကလေး ( Completed)
Romanceကိုဗစ် ၊ အရောင်အသွေးစုံသော အချစ်နဲ့ သူတို့်အိမ်ကလေး #Unicode ကိုဗစ္ ၊ အေရာင္အေသြးစုံေသာ အခ်စ္နဲ႕သူတို့္အိမ္ကေလး #Zawgyi Start Date - 4.10.2022 End Date - 25.1.2023