တိတ်ဆိတ်သော မနက်ခင်းတွင် ဖျော့တော့သော.နေရောင်ခြည်သည် ပြတင်းပေါက်မှ တဆင့် သိမ်မွေ့စွာ ဖြာကျနေ၏ ။ မျက်လုံးကျယ်နေသဖြင့်ပြန်အိပ်၍ မရမည့်အတူတူ အောက်ထပ်သို့ဆင်းလာလိုက်သည် ။ ဧည့်ခန်းထဲတွင် တအိမ်သားလုံး စုပြုံနေသည်ကို တွေ့၍ အံ့ဩသွားသည့်အခါဖွားဖွားကြီး က မီးဖိုချောင်အား မေးဆတ်ပြသည် ။ မင်းမြတ် ခပ်သွက်သွက် ဝင်သွားကြည့်တော့မနက်စာ ပြင်နေသည့် ဒေါ်ခတ်ခတ်ဒေဝီ အားထူးဆန်းစွာ တွေ့ရ၏ ။
" ဘာလဲ ကူပြင်ပေးမလို့လား "
" ရေသောက် မလို့ "
မင်းမြတ် ရေခဲသေတ္တာတံခါးကို ဖွင့်ရန်ပြင်သည့်အခါ ဒေါ်ခတ်ခတ်ဒေဝီ က မနက်စာပန်းကန်ကိုချ၍ ရေခဲသေတ္တာတံခါး အား လက်ဖြင့်ဖိလိုက် သည် ။
" နိုးနိုးချင်း ရေခဲရေ မသောက်ရဘူးဆိုတာ မသိဘူးလား အခုခေတ်ကလေးတွေ ဘာမှလည်းနားမလည်ဘူး "
" အန်တီ စိတ်ပူပေးစရာမလိုဘူး "
မင်းမြတ် က ရေခဲသေတ္တာတံခါးကို အားသုံး၍ဆွဲဖွင့်ကာ ရေခဲရေတစ်ဘူးအား ယူလျက် တကျိုက်ကျိုက် မော့သောက်လိုက်သည် ။
" မင်းကို စိတ်ပူလို့လည်း မဟုတ်ပါဘူး ငါ့သားကမင်းကို အရမ်းချစ်တော့ မင်း တခုခုဖြစ်ရင်ငါ့သား စိတ်ထိခိုက် မှာစိုးလို့ "
" ရေခဲရေ သောက်ရုံနဲ့ သေမသွားဘူး ပြီးတော့အန်တီလည်း အိမ်ရှင်မကောင်းယောင်ဆောင်မနေနဲ့...စေတနာက မရှိဘဲ "
ရေဘူးအား ေရခဲသေတ္တာထဲဲ ပြန်ထည့်၍ လှည့်ထွက် မည်အပြု အနောက်မှ ဒေါ်ခတ်ခတ်ဒေဝီ၏မာဆတ်ဆတ် အသံထွက်လာသည် ။
" မနက်စာမစားတော့ဘူးလား "
" မစားဘူး "
မင်းမြတ် မီးဖိုခန်းထဲမှ အထွက်မှာပင် အပြင်မှပြန်ရောက်လာသော စိုင်းခမ်းမော်နှင့်
တန်းတိုးသည် ။" ကိုယ် လက်ဖက်ရည်ကုန်သွားလို့ သွားဝယ်တာမင်းမြတ် ဘာမှမစားဘူးလား "
" စားမယ် အစ်ကို "
" စောနကပြောတော့ မစားဘူးဆို "
ဒေါ်ခတ်ခတ်ဒေဝီ၏ အငေါ်တူးသံကို မင်းမြတ်မတုန့်ပြန်တော့ပါ ။ စိုင်းခမ်းမော် လည်း ဘေးမှာရှိနေသည့်အပြင် ဧည့်ခန်းထဲ၌ အိမ်သားတွေရှိနေသောကြောင့် အကြီးအကျယ်မဖြစ်လို ။
YOU ARE READING
ချစ်အိမ်ကလေး ( Completed)
Romanceကိုဗစ် ၊ အရောင်အသွေးစုံသော အချစ်နဲ့ သူတို့်အိမ်ကလေး #Unicode ကိုဗစ္ ၊ အေရာင္အေသြးစုံေသာ အခ်စ္နဲ႕သူတို့္အိမ္ကေလး #Zawgyi Start Date - 4.10.2022 End Date - 25.1.2023