" ကိုကြီး သား ဘယ်လိုလုပ်ရမလဲ အီးဟီး..
အကိုလေး က သားကို တကယ်ကြီး
စိတ်ပျက်သွားပြီ...စာထဲ ကိုကြီး ဘာတွေ
ထည့်ရေးလိုက်တာလဲလို့ "
သန့်ကြည်စင် သည် မင်းမြတ်အကျ္ီစ အား
ဆွဲကာ ဆွဲကာ လုပ်၍ အော်ငိုနေသည် ။
မင်းမြတ် သည် စိတ်ရှုပ်ဟန်ဖြင့် ခေါင်း အား
တဗြင်းဗြင်းကုတ်လိုက်သည် ။ အကိုလေး
မလာတာ ဒီနေ့နှင့်ဆို သုံးရက်ကျော်ပြီ ။
စိုင်းခမ်းမော် မှတဆင့် ဆက်သွယ်သော်လည်း အဆက်အသွယ်ကားမရ ။
အစပိုင်းတွင် သန့်ကြည်စင် ဒီလိုငိုနေသည်ကို
စ နောက်ချင်သော်လည်း ကြာလာတော့
စိတ်မကောင်း ။ အကိုလေး စိတ်ပျက်သွားစေသည့်အဓိက တရားခံက သန့်ကြည်စင် ဆို ၊ သူ က ကြံရာပါ။
" ကဲ..ကဲ..မငိုပါနဲ့တော့ ငါ မနက်ဖြန်ကျရင်
အကိုလေးအိမ်လိုက်ပို့ပေးမယ် "
" တကယ်နော်..."
" ငါ့ရုပ်က နောက်နေတဲ့ပုံပေါ်နေလို့လား "
သန့်ကြည်စင် သည် မျက်ရည်စီးကြောင်းများအားလက်ခုံဖြင့်သုတ်လျက် မျက်နှာက
အတန်ငယ် ရွှင်ပျလာသည် ။ ဒီတခါ အကိုလေးပြန်လာလျှင် အကိုလေး သူ့ကို ပြန်ကြိုက်လာအောင်မကြိုးစားဖို့ ဆုံးဖြတ်ထားသည် ။
အကိုလေး သူ့ကို ကြိုက်လာဖို့ မလို ။
နောက်တကြိမ် ထွက်မသွားဖို့သာ လိုသည် ။
××××××××××××
~~ တီးတောင်ခ် ~~
~~ တီးတောင်ခ် ~~
~~ တီးတောင်ခ် ~~
" ဟ..တော်တော့ "
လူခေါ်ဘဲလ်အား ထပ်ခါတလဲလဲ နှိပ်နေသည့်
သန့်ကြည်စင် လက်အား မင်းမြတ် အမြန်
ပုတ်ချလိုက်သည် ။ မင်းမြတ် ငေါက်တော့
သန့်ကြည်စင် က လူကို ရုတ်ကာ ခပ်ရို့ရို့
ရပ်နေသည် ။ လူခေါ်ဘဲလ်မနှိပ်ဘဲ
ရပ်စောင့်နေသည့်တိုင် အကိုလေးက
မထွက်လာသဖြင့် မင်းမြတ်နှင့် စိုင်းခမ်းမော်
တစ်ယောက် မျက်နှာ တစ်ယောက် စိုးရိမ်စွာ
ကြည့်မိသည် ။
ရုတ်ချည်း ဖြည်းညင်းစွာ ပွင့်လိုက်သည့် တံခါးအနောက်မှ ထွက်လာသော အကိုလေး အားတွေ့သောအခါ မင်းမြတ်တို့ အားလုံး
အလန့်တကြား ဖြစ်သွားသည် ။
YOU ARE READING
ချစ်အိမ်ကလေး ( Completed)
Romanceကိုဗစ် ၊ အရောင်အသွေးစုံသော အချစ်နဲ့ သူတို့်အိမ်ကလေး #Unicode ကိုဗစ္ ၊ အေရာင္အေသြးစုံေသာ အခ်စ္နဲ႕သူတို့္အိမ္ကေလး #Zawgyi Start Date - 4.10.2022 End Date - 25.1.2023
