حق المظلوم²

01

الهم صل وسلم وبارك على سيدنا محمد وعلى آله وصحبه وسلم..

الحمدلله الحمدلله الحمدلله

الله اكبر الله اكبر الله اكبر

سبحان الله وبحمده سبحان الله العظيم

سبحان الله وبحمده سبحان الله العظيم

سبحان الله وبحمده سبحان الله العظيم

استغفر الله استغفر الله استغفر الله

الحمدلله الحمدلله الحمدلله

لا اله الا الله وحده لا شريك له له الملك وله الحمد وهو على كل شيء قدير

✍ ✍ ✍ ✍ ✍ ✍ ✍ ✍ ✍ ✍ ✍ ✍ ✍ ✍ ✍ ✍

رياض طلع من داره ونزل بسرعه ...
غمز لشغالتهم اللي هزت راسها بأسى من حاله وكمل مشيه ..

خش لدار المعيشه وين ما مقعمزه امه باسلها خدها بقوه وقعمز جنبها..

بدريه: بنتغدوا في الصاله...

رياض: بالله عليك لا يا أمي... معنديش خلوق لحد.

بدريه:بوك امس في الليل اتصل بيا وقالي كان متجيبيشي فرخك المره هادي مش حايوصل للي يبيه..

رياض: شن قصده؟

بدريه: وين نندري عليه .. فكينا منه ونوض تحرك..

رياض ناض وهو ينق مشي غير حوايجه لبس حاجه كويسه بعد ما كان لابس شرط وتيشرت عادي ...

وبحكم ان بوه ديما يهزب فيه على اللبس اللي هكي
طلع مع امه ومشي جيهة الصاله اللي كانت الأقرب على حوشهم...

قطعة ارض كبيره هلبا فيها اكثر من 6 حياش كانوا مفصولات على بعض وفي نفس الوقت جنب بعض .. ومتصلات ببعض بأكثر من جيهه ..

كل زوجه بحوشها وحياش ولادها جنبها .. كانت في جردينه واسعه دايره على الحياش كلهم ومفتوحه للكل باش يتلاقوا ويقعمزوا فيها.. العيد ورمضان فيها هي والصاله الكبيره للتجمعات العائليه والعشاوات والغداوات..

وبحكم ان عيلتهم كبيره ... كان يلم فيهم مره مره كلهم ويتغدوا مع بعض.. او يتعشوا ..

وكان يتعامل مع طباخه في الحالات هادم ..

رياض خش وراء امه وطلق السلام ... قرب بيقعمز على صالون بروحه بعد ما طلق السلام بس بوه وقفه..

جمعه: تعالا قعمز بحداي..

رياض شاف لبوه ثواني بس ونزل عيونه بهدوء وقرب منه...
قعمز جنبه...