اللهم صل وسلم وبارك على سيدنا محمد..
الحمدلله ولا حول ولاقوه الا بالله..
استغفر الله العظيم واتوب اليه.
...
نبدوا بأن تقوى متنبلش في فمها فوله:-
ايمن: ها يا تقوى!
تقوى: مقدرتش نشد عليك شيء .. فرح خطبها منير..
ايمن انصدم وعيط: شن هيا!!.. قولي والله! .. وشن جاب منير لفرح!
تقوى: والله يا أيمن كلهم انصدموا بس هي وياه علاقه راهم!
ايمن تأفف: بالله من داعي عليا اني .. علاش عدلائي اكثر زوز نكرههم!!
تقوى مفهمتش: شن تخرف ايمن؟
ايمن: بالله اسكتي .. عكرتيلي مزاجي..
تقوى: تي مسألتنيش شن صار..
ايمن: في اما مستشفى؟
تقوى: صقع عليك سكينه حزت الموضوع .. هههههه كان تشوفها كيف ستكت احمد.. انصدم منها مسكين .. وطبعا محمد بنظره منها يبس..
ايمن: الكلام كان يجي لسكينه .. تخضع حتى الحجر..
تقوى: صدقت والله ..
ابرار: حااالو
تقوى: تدلعي توا! .. تي نطقك مافي كيفه انتي!
ايمن: بربوري فرختي السمحه غدوا بنجيكم..
ابرار عيطت: جيبلي حلوه..
ايمن: حاااضر..
.
.
.
علاء صكر المكالمه اللي كانت بينه وبين محمد
والموضوع كان على الخدمه طبعاً..
جي بيخش بس وقف قدامه جمال..
من وجه جمال فهم ان في مشكله صايره..
جمال حط يديه في جيوبه وقعد يشوف ل علاء..
علاء قام حاجبه: ان شاء الله خير يا جمال؟
جمال: منحبش نطول بالكلام .. شن في بينك وبين سندس!
علاء ملامحه ارتخوا وقعدوا جامدات ..
جمال: متقعدش ساكت .. جاياتك في الحوش امبكري وقعدتوا بروحكم..
علاء عيونه توسعوا شد جمال من مرفقه وباعده لطرف الإستراحه لأنهم كانوا قراب وصوته عالي .. وحرفيا مفيش حد مهوش داخل قاعد..
