رياض كان يتقلب في سريره ..
وكلام سندس زي السم منتشر في دماغه كله..
مقدرش يوقف تفكير في تسنيم..
وقف وهو يتأفف وينق..
مشي للكوجينه وانخلع من شغالتهم اللي تاكل..
تجاهلها بعد ما سب بهمس وفتح الثلاجه..
طلع بنادول وخدي اميه..
وطلع من الكوجينه...
رياض: الهم الاحرف انخلعت منها! .. تتفكر ماكلتها في الليل..
طلع للجردينه وقعمز على كرسي..
وحط نقاله على الطاوله ..
تنهد وبعد صراعات داخليه قام نقاله واتصل ب تسنيم..
ب شفرته الاولى مباش يمشي الخط .. بس بالتانيه مشي الخط ..
وبعد محاولتين وهو نفسه مش عارف شن الاصرار اللي جاه بعد ما كان ميبيش يتصل بكل..
تسنيم بصوت ناعس: الو ...
رياض توتر وباعد النقال: عليك غبي مش عارف شن بنقول .. علاش اتصلت..
تسنيم: الو؟؟ سندس؟
رياض: احم .. لالا انا رياض ..
تسنيم عدلت تقعميزتها: اها .. اهلا كيف حالك ان شاء الله بخير؟
رياض: الحمدلله في اخيار الخير .. انتي شن امورك .. وشن حالها صحتك؟
تسنيم: الحمدلله كويسه ..
رياض حك شعره بتوتر: شكلي نوضتك من نومك..
تسنيم: هو تبي الحق نوضتني اي .. بس عادي..
رياض ابتسم: انا حاولت نرقد بس خطرتي عليا قلت نسأل عليك .. قداش ليا مكلمتكش..
تسنيم: بارك الله فيك .. انا كويسه وصحتي الحمدلله .. عمي بارك الله فيه مش مقصر معاي هو وعيلته..
رياض: الحمدلله ربي يبارك فيه.. المهم منطولش عليك .. تصبحي على خير..
تسنيم: تلاقي الخير..
رياض: تسنيم..
تسنيم: نعم..
رياض: متريحه في حوش عمك ولا؟ ..
تسنيم استغربت: اي ..
رياض: باه تم .. تصبحي على خير وسامحيني على الازعاج..
