استغفر الله العظيم واتوب إليه
اللهم صل وسلم وبارك على سيدنا محمد.
..
هما منصدموش من جمعه لأنهم يتوقعوا منه شيء زي هاده ..
وبالذات رياض اللي تقبل الوضع لما لاحظ ان بوه انضغط ..
واسى لأخته جناح في الدور اللي لوطا قريب من جناح امه ..
بدريه كانت فرحانه ب وجدان .. مش حاتقعد بروحها بعد يتزوج رياض .. رغم انه ساكن فوقها .. بس هي تتخايل في روحها معش بتشوفه ..
بدريه من زمان خاطرها يكون عندها بنت بس ربي مصخرش .. ممكن تقدر تتقرب من وجدان وتعاملها زي بنتها..
بس طبعا مش حاتراجي من وجدان انها تعاملها زي امها ...
عارفين لما سندس جت لحوش بدريه ولقت وجدان .. وقتها رياض كان قاعد هي رعشت معرفتهاش من بس لما رياض خبرها لين قريب اغمى عليها من الضحك ..
لين نفسها انقطع ورياض حصلها رعشه عليها ..
وجدان معجبهاش ضحك سندس ..
بس هي متعرفش .. مش سامعه قرمت سندس ورياض في بوها وأنهم يتخايلوا فيه متزوج وحده اخرى وعنده صغار واحفاد اخرين ..
ومفكرتش ان سندس تضحك على فكرة ان وجدان تكون خالتها!..
حست بشعور قيس لما تشد عليه في عصاة المكنسه باش يقوللها يا خالتي..
اما الباقين لما جمعه حكالهم حصلوها صدمه .. ومتقبلوش طبعا .. بس رياض كان بالمرصاد ..
وحلفلهم اي حد يأذيها بكلمه او نظره بيحاسبه هو..
ماني ماني بيبي...
سندس كانت مقعمزه وتشوف ل وجدان: يا وخيتي كيوووت.. كيف تجي عمه لسربط انتي؟؟
وجدان اضايقت منها: يرحم ولديك خليني في حالي.. شن هادي ..
سندس ضحكت بخفه: حي عليا كيوووت ..
بدريه: نوضي يا سندس ديريلنا قهوه..
سندس وقفت: عندكم حليب بالشكولاته لخويله؟
وجدان تنرفزت: وحده مجنونه..
سندس ضحكت بشر ومشت للكوجينه..
قعدت تخلط في القهوه..
تلفتت لما حست بحد خش وكان رياض اللي يجفف في شعره بالفوطه
سندس: مبعتليش البدله!
رياض: بعتتها ل تسنيم ونسيتك..
