استغفر الله العظيم
الحمدلله
الله اكبر
لا إله الا الله
سندس كانت خايفه انها تروح قبل ما يجي حسني .. هي اصلا مزال ممشتش لحوش الهادي باش توصل الحاجات اللي امها بعتتهم معاها..
هي وافقت بالسيف بعد نق امها .. هي عارفه امها خبيثه .. تبيها تتلاقى مع علاء!
سندس بهمس: مش عارفه علاش توثق فيه هكي .. كلا ماما اوبن مايندد هلباا..
دفت الباب برجلها وخشت..
هي انخلعت لما شافت سليمان اللي واقف وبعيد عليه شوي وصال مرته..
سليمان: وين وين بتكسريلنا باب الحوش يا بنت القاضي..
سندس: بالله فوتني ترا يا ميليشاوي..
سليمان ضحك: خشي خشي..
واحد آخر كان بياخد على خاطره بس سليمان عارف سندس وكيف كلامها..
هي كرهاته من لما خلاها محبوسه مع علاء ومتدخلش!
سندس: هاي وصال كيف حالك..
وقربت سلمت عليها بالخد..
سليمان قرب خدي منها السله..
سندس: مبردك يا مفجوع..
سليمان فتح الغطاء: اووو والله جيعان..
سندس: وين عويشه؟
سليمان بدا ياكل من الحلويات..
وصال قربت من سليمان: داخل قاعده .. اعطيني منها تراا..
سليمان: خودي من غادي..
وصال: عجبتني اللي في ايدك..
سندس فاتتهم وخشت وهي تهمس: مسرع حملت! .. تي حقا ليهم اربعه شهور متزوجين!
خشت سندس بسرعه للحوش ..
سندس: خالتي عويشه راهو سليمان ومرته خدوهم الحلويات ..
عائشه: هالولد هاده مفجوع واللي خداها مفجوعه اكثر منه وما يبان عليها ..
سندس ضحكت: حقا والله زي العود هالوصال..
علاء طلع من الكوجينه: اهلا اهلا بخطيبتي الغاليه..
سندس: بالله عليك فوتني ..
علاء: بنفوتك .. وحجة نقالك خارب هادي فوتيها على عويشه بس..
سندس: اشريلي نقال كانك فالح مفيش حد شرالي..
علاء ابتسم ع الجنب: والله؟
سندس: اييه..
علاء: ومهند قالي سيدي القاضي شرالك امس نقال..
