اشرف: اثبتي خيرك تتحركي هلبا انتي.. تو مديريليش جو الشريفه وانتي جيتيني برجليك وانتي عارفه انا شن!
سندس عيطت في وجها: يااااحقيرر انا جييت باش نفك اختك منكك.
أشرف: باه وشن استفدتي.. اهيا خداها عمها وقعدتي ليا توا .. واخيرا استفدنا من وراها الكلبه هديكا..
سندس ترعش: ش شن قصدك..
اشرف: تو متستعبطيش عليا...
مكملتش جملته لما انفتح باب الحوش..
شد سندس وخش بيها لداره..
قعد مصكرلها فمها وشاد الموس على رقبتها باش مطلعش صوت..
وسندس كانت فاشله .. مقدرتش ادفه او تباعده..
حمزه: خودي حاجاتك وخلي طلعوا بسرعه يا تسنيم.
تسنيم: تمام..
مشت تسنيم جيهة دارها ..
خدت كيس وبدت تلم فيه في الحاجات اللي تبيهم..
بس ضيقت عيونها بشك لما سمعت صوت حركه غريبه..
تبعت الصوت وعرفات جيهة دار اشرف خوها..
صوت حد مكتوم ..
خافت ..
بس تشجعت وفتحت الباب..
عيونها توسعوا لما شافت سندس..
وخوها شافلها بنظره تخوف..
أشرف من بين سنونه: صكري الباب وبري ومكأنكش شفتي شيء .. والا والله نقتلها ..
تسنيم ببرود: باه..
هي كان في يدها بوكس لوح ثقيل وصغير...
اشرف قرن حواجبه لما وافقت بكل برود..
نزل عيونه جيهة سندس ..
وتسنيم رمت البوكس ويجي في راسه..
طاح منه الموس وعيط بقوه وبألم..
تسنيم جبدت سندس وبسرعه خدت مفتاح الدار وصكرت الباب من برا..
هي بحالها انصدمت من سرعتها..
حمزه جي بسرعه..
حمزه انصدم من سندس..
وسندس كانت تبكي ..
تسنيم جبدتها: قلتلك متدخليش .. ها شفتي وين وصلتي روحك بفضولك.
حمزه: شن صاير!!
تسنيم: الحمدلله لحقت عليها يا عمي ..
حمزه فهم وفضل انه يسكت..
طلعوا من الحوش..
تسنيم: خلاص يا سندس .. اهدي..
سندس قعمزت على العتبه وحطت يديها على وجها.. خشت في عالم تاني كانت ترعش وراكبها رعب..
