استغفر الله العظيم واتوب إليه..
ايمن مشي لحوش خواله وطبعا هرب هروب على امه ..
اول يوم وصل فيه خش للمربوعه رقد..
والصبح ناض على صوت هرجه .. واللي كانت مصدرها صغار خواله اللي ملتمين عليه..
ايمن قعمز وقعد يحك في عيونه..
ايمن: نعم خيرك تشبحلي هكي..
ووقف وهو متنرفز ..
يعرفهم حركات مرت خاله باش اطفشه..
طلع من المربوعه خش للحمام غسل وجها وخش لحوش حناه..
ابتسم وقرب حظنها اول ماشافها..
فضيله: هي وليدي فطورك واتي باش تفطر..
ايمن: يسلم يدك يا حنينتي القنينه.. شن يا مرت خالي معقوله تخلي في الصغار يلعبوا في المربوعه؟ .. وانا راقد زياده.. تبيني نمرجهم؟؟ طبعا لا مش حانديرها..
مرت خاله سكتت خافت منه ..
اما هو خدي السندوتش اللي مدايراته حناه وبدا ياكل فيه ..
حناه صبتله شاهي .. خداه وقعد يتكلم هو وحناه..
ايمن: قلتلك حناي.. شن رايك نمشي انا وياك لتونس اليومين الجايات..
مرت خاله كسرت عيونها فيه..
فضيله: وعلاش يا وليدي شن بنديروا فيها..
ايمن: دهواري وعندي كثفي يوجع فيا .. ومنها نشوفوا رجلك شن وضعها..
فضيله: خيره كثفك وليدي؟؟
ايمن ابتسم .. يحب كلمة وليدي من حناه..
ولأن بجديات حن للأيام الخوالي قرب باس على راس حناه ورد لمكانه..
ايمن: محصل خبطه عليه قداش ليا ويوجع .. شن تونسيني .. زي ما تعرفي خواتي باعوني وتزوجوا ملياش غيرك
مرت خاله: وخيره حواء ما مشت معاك؟
ايمن: امي حتى هي متزوجه يا مرت خالي فهمتي؟
مرت خاله سكتت وردت اطيب في الغدي..
فضيله: باهي نمشي معاك مداما مفيش من يمشي معاك..
ايمن: تم معناها .. الأربعاء نحجز ونتوكلوا..
فضيله هزت براسها ك موافقه ..
ايمن قعد فتره يهدرز مع حناه ...
طلع من حوش جده بعد العصر ومشي يدور في شارعهم والشوارع اللي بحداه..
