هنادي بهكي فاتوا ثلاته اسابيع على عمليتها..
كانت ناجحه العمليه .. بس ك طلب من صهيب كان لازم يديرلها جلسات كيماوي...
لأن مش كلا الورم قدر ينحيه.. وباش مسنتشرش.
دارت جلسه وحده واللي هي قبل أيام..
كانت أصعب من اي شيء جرباته في حياتها..
وعرفت وعاشت معاناة كل مريض بالخبيث اللهم احفظنا..
حوش بوها كان زحمه قبل أيام خوالها وخالاتها قريب كل يوم عندهم..
بس الايام هادي بدوا يتلاشوا الزيارات..
كانت مضايقه وواضح فيها الضيقه .. بس تقوى وأيمن مخلوهاش تكتئب...
حتى في الجلسه قعد معاها ايمن.. متكي جنبها ويحكيلها على شن كان يدير في الأردن .. وكيف مكسر لعبة البوكسينق وخلوه يخدم عندهم مقابل سعرها في الملاهي ..
هلبا مواقف قربتها منه .. قدر يغيرلها جوها ويصرف عن تفكيرها الألم من الدواء ..
الكيماوي كان دواء مؤدي .. المفروض الدواء يعالج .. بس الكيماوي كان دواء يعالج ويدمر في نفس الوقت..
.
.
.
...
.........
.
.
ليلى شربت من عصيرها وشافت لرواسي اللي قدامها..
رواسي: الحقيره دارت رمز لنقالها.. وعرفتهم دباير سندس هادي
ليلى: باهي رواسي..
رواسي شافتلها..
