حق المظلوم²

02

الهم صل وسلم وبارك على سيدنا محمد وعلى آله وصحبه وسلم..
الحمدلله الحمدلله الحمدلله
الله اكبر الله اكبر الله اكبر
سبحان الله وبحمده سبحان الله العظيم
سبحان الله وبحمده سبحان الله العظيم
سبحان الله وبحمده سبحان الله العظيم
استغفر الله استغفر الله استغفر الله
الحمدلله الحمدلله الحمدلله
لا اله الا الله وحده لا شريك له له الملك وله الحمد وهو على كل شيء قدير

..................................................................

2008 شهر اربعه ... الإمتحانات النهائيه للشهادة الثانويه..

رياض:
قلبت ورقتي بعد ما كملت وقعدت نشوف للساعه اللي في يدي...

الساعه هادي كانت هديه من حليمه اختي..

غريب ولا! .. انا نلبس حاجه من خوتي او خواتي اللي نتجنب فيهم..

خواتي حنونات.. بس انا مش عاطيهم وجه ...
بنعترف بحاجه .. نغار منهم لأن بوي يقدر فيهم ويحبهم...
منقوللكمش نكرهم .. بس نتجنب فيهم...

مزال ربع ساعه ويتم الوقت..

قلبت الورقه ورديت نراجع فيها ...

وبعد ما كملت وقفت وسلمت ورقتي وطلعت..

مددت عضلاتي وانقطعت بطمت القميص..

قعدت عريان .. قالي علاء معش تاكل هلبا ..

شديتها بإحراج وقعدت ضاغط بإيدي على القميص ونمشي وانا خاش في بعضي..

اصلا القميص هاده قديم .. غر نلبس فيه على خاطر يجيبلي في الحظ..

بس ربي اعطاهالي بسبب معتقداتي المنافيه للإسلام ..

لقيت علاء واقف وواقفين بحداه شوي ولاد ويتكلموا معاه..

وهو زي الجماد كعادته من صغرنا وهو هكي يرد بكلمه اتنين وتمت..

لما شافني عيونه لمعوا ..

وكأنه قالي بعيونه تعالا وخودني من بحداهم ..

بس عيونه اضيقوا لما ركز فيا ..

هز براسه بأسى وقلع جاكته اللي مش عارف علاش لابسها ومدهلي..

لبستها وصكرتها ..

وبدون مرور ولا دقيقه آخرى طلعت انا وياه ركبنا في سيارتي ...

سيارتي اللي شرتهالي امي بفلوس ورتثها.. على خاطر عمر الطمنطاش.. بوي لما طلبت منه ردني .. وقلتله خلاص تم ...