..
احمد شاف لتقوى اللي كانت زي المهبوله تغني مع الأغنيه اللي والعتها بالسبيكر..
وولا هامها راجلها اللي مروح من الشغل وتاعب..
تقوى شافت لأحمد: أحمد نحطلك تتغدى؟
احمد: لالا كملي غناك وهبالك وبعدين حطيلي..
تقوى: باهي.. بالك جيعان؟
احمد تأفف وناض مشي لدار النوم..
خدي منشف وخش بيدوش.
وبعد كمل طلع لقاها مقعمزه وتبكي..
احمد رعش وجاها بسرعه..
احمد: تقوى خيرك بسم الله!
تقوى حطت يديها على وجها وكملت تبكي..
احمد قعمز قدامها وباعدلها يديها: خيرك يا تقوى ..
تقوى تبكي: علاش تتجاهل فيا..
احمد عيونه توسعوا: لالا متجاهلتكش ..
تقوى: تجاهلتني ومشيت مرديتش عليا..
احمد مسحلها دموعها: باهي معش تبكي حقك عليا .. راسي يوجع فيا امبكري هاده علاش قعدت ساكت..
تقوى: تشوف فيا مهبوله انت..
احمد ابتسم: واحلى مهبوله ..
تقوى دفاته: مهبوله صاار!!
احمد: هيا خلاص اسكتي معش تبكي ..
تقوى: معش تتجاهلني!
احمد: حااضر..
تقوى: وانا مش مهبوله .. انا فرفوشه بس.
احمد ضحك: باهي يا فرفوشه نوضي وتي لراجلك غداه..
تقوى وقفت: حااضر يا راجلي ..
احمد ضحك: صحيتي يا مرتي ربي يخليك ليا..
تقوى مشت للكوجينه..
اما احمد قعمز على الصالون وولع التلفزون وقعد يتفرج..
شوي وجابت تقوى الغدي وقعمزوا يتغدوا..
تقوى: هويده بتجيني اليوم..
احمد: مش متفقين بنمشوا للسوق؟
تقوى: كلمتني امبكري .. وبعدين هي مسكينه تجي مره في السنه اهني وخاطرها فيا..
احمد: نطلعوا في الليل؟
تقوى: احمد شن صاير في الدنيا من امتى تحب طلوع السوق!!
احمد: باش نرضيك بس..
