تسنيم:
مكنتش في يوم نتوقع عمي هاذا بالذات يحن عليا من بعد اللي داره اشرف في بنته..
بنته اللي تعامل فيا زي اختها..
ومرته كانت طيبه بزايد..
بحكم طبيعتي اللي قعدت عدوانيه ومعش توثق في حد..
قعدت وقاعده بارده معاهم..
ومش حانقرب منهم هلبا .. حايقعدوا الحدود..
توا ليا اسبوع كامل عندهم.. وماصارش اي شيء..
بس مزلت نراجي في اليوم اللي بيردوني لحوش بوي فيه...
جهاد شكله متعاطي هلبا لدرجة انه مفاقش بغيابي ومجاش دورني
وأشرف الله اعلم حتى هو..
خشت رواسي وفي ايدها كيس صغير..
رواسي: بابا معرفش شن ياخدلك جابلك هاده..
تسنيم مستغربه: شن هاده .
رواسي: تليفون.. ومعاه شفره..
تسنيم قعدت منصدمه..
رواسي طلعت النقال وركبت الشفره فيه ومداته لتسنيم
رواسي: سجلي رقم اختك .. ورقمي ورقم ماما وبابا وعصومي..
معتصم خش يتسحبن
رواسي: ياااي قاعد يتحشم..
معتصم قرب اكثر..
تسنيم ابتسمت بخفه: تعالا يا عصومي قعمز جنبي..
معتصم: نبي نمشي للسوق يا رواسي بناخدو هلبا حاجات باش نتفرجوا على فيلم احني الثلاته..
رواسي: بااهي حااضر تو نقول ل بابا يطلعنا..
معتصم قعمز جنب تسنيم ..
تسنيم حاولت تذكر رقم اختها بس مقدرتش..رقم سندس رقم جهان .. حتى هو معش جاباته..
تسنيم: رواسي.. منذكرش في ولا رقم انا ..
رواسي: عادي مش مشكله..
تسنيم: نقال ماما خليته في حوشنا..
رواسي: اي معناها بعدين لما بنمشوا للسوق نمشوا ناخدوا حاجاتك من حوشكم..
تسنيم: تمام..
.
.
.
