اللهم صل وسلم وبارك على سيدنا محمد💗.
خليل بعد ما كان في داره نادوا عليه .. نزل وهو حاط يديه في جيوبه ..
ومخاطراش في حد .. بس لأن بوه نادى عليه خلاص معش في مهرب..
طلق السلام وقرب قعمز في صالون فاضي...
خوته قاعدين .. واللي زايد عبدالله اللي جاي مع محمد.. والغريب وجهه كان احمر..
خليل ولأن عبدالله كان يشوفله اشرله بصوابعه ان يجيه..
عبدالله سيب يد بوه اللي كان لاف يديه عليها وحاظنها بقوه وجي بسرعه لخليل..
محمود: صغارك يا محمد يموتوا في خليل وأيمن..
محمد ابتسم: يستر ربي شن بيطلعولي بعدين..
احمد: كلا عبدالرحمن سكير من توا..
محمد ومحمود ضحكوا اما مفتاح معجباش الكلام هاده..
مفتاح: شن الكلام هاده يا أحمد ادعي يكونوا من حملة كتاب الله..
خليل: عبدالرحمن ضربك؟
عبدالله هز براسه بمعنى لا..
خليل: خيرك مال؟
عبدالله: نبي أيمن..
ورد بيبكي..
خليل:باهي متبكيش .. تو نرفعك ليه شوي تاني..
عبدالله: بابا قالي لا..
خليل: تو نهربوا منه..
عبدالله قرن حواجبه..
خليل ضحك ..
لما سمعوا صوت فرح العالي قعدوا في حالة صمت..
احمد كان بينوض بس مفتاح اشرله بمعنى اقعد وناض هو..
تقوى قاعده .. يعني هي وفرح يتعاركوا..
ومن بيحز .. يا أحمد يا خليل..
مفتاح خش للكوجينه: شن الصوت العالي هاده..
وطبعاً كلهم يبسوا وسكتوا..
اما محمد شاف لمحمود وبعدين حط عيونه على خليل اللي كان ولده مقعمز في حجره..
محمد: خليل..
خليل شاف ل محمد..
محمد: حالك باهي ولا؟
خليل استغرب: حالي؟ .. الحمدلله .. ان شاء الله خير..
محمود: حرام يسألك خوك على حالك..
احمد: حاله باهي ولالا .. مش حايوضح شيء اصلا..
