استغفر الله العظيم
الله اكبر
لا إله إلا الله
سبحان الله وبحمده سبحان الله العظيم
الحمدلله
هي خطبة ايمن وهبه فاتت بضحكه ولعبه..
اما خطبة علاء وسندس مصارش منها بكل .. قعدوا مخطوبين بالأسم وخلاص.. والسبب جائحة كورونا اللي كثرت فجأه
وبالنسبه ل جهان .. محمود خطبها .. وخوتها طول وافقوا وكذلك بوها .. وهي رضخت للأمر ووافقت ..
رغم أنها رعشت من فكرة انه خطبها ..
وفي فترة كورونا تعرفوا كويس وتأقلموا على بعض..
خوتها مكانوش يعرفوا ان محمود معجب بأختهم.. لا .. ايمن قاللهم انا اللي بعته ليكم .. ايمن الكذاب ..
ورياض قعد يعامل في محمود بطريقه .. واعره شوي .. يعطي فيه في شبحات ..عاد جهان تقول بنته هو .. متربيه عنده ..
حتى ان وجدان وتسنيم قروا اسبوع بس ووقفوا ..
كانت سنه صعبه .. وحلوه في نفس الوقت ..
كلهم انحبسوا في حياشهم .. ولما يتلاقوا كانوا يتلاقوا من بعيد ..
كذب تقربوا من بعضهم اكثر من قبل .. زرادي وضحك وهدرزه ..
وكان مرضوا .. قضاء الله وقدره..
رغم ان الوضع كارثي .. الا ان لما محمود مرض ورقد في المستشفى ايمن لبس كمامه ومشي زاره ..
اي اي .. بس محمود لزه وقاله تحسابها لعبه يا حمار!
فاتت السنه في الحظر .. في اللي حبس روحه وفي اللي مزال مستمر في المشي والجي
وفي اللي أهمل روحه ومرض .. بس بقدرة ربي صح ..
وبهكي فاتت الشهور وبدأ يخف المرض
هو مش يخف لا! .. الناس معش يدوروا فيه
حتى اللي كان يلبس في كمامه قلعها..
وفي اللي استغلوا الكمامه باش مينحوش شناباتهم بس .. سوري .. تحمست
وكان بنقوللكم حاجه بتفرحكم..
سليمان تزوج وصال .. داروا عرس خفيف وبسيط ..
