استغفر الله
الحمدلله
لا إله إلا الله
الله اكبر
سبحان الله وبحمده سبحان الله العظيم.
سندس مقدرتش ترقد بس مطلعتش من دارها..
وكذلك مهند اللي قعد على اعصابه..
وهاده كله مخبروش حسني ..
بشير قعد يخمم على سندس وكان يزيدوا يكثروا عليها كلام..
فكرة ان بنته بتعاني من نظره منحطه من المجتمع هكي خلاته يفوت جمال وكل شيء ويركز على كيف بيهون عليها ..
هو من الأول مزال ميبيهاش تتزوج بس توا بعد قالتله حليمه انها وافقت في جراير جمال زي ما هي شاكه .. وبهكي خلت تفكيره يزيد يتوسع..
بشير وقف مشي لداره غير حوايجه وطلع من الحوش بدون ما يقول شيء لأي حد..
وطبعا بالنسبه للكل مفيش قانون في البلاد .. بس بالنسبه ليه في قانون .. ولأنه محامي كبير ومارات عليه هلبا قضايا ..
يقدر يحبس جمال ما يقارب العشرين سنه على اللي داره في بنته ..
بعد وصل للمستشفى سأل على الدار ومشي..
بس لقي قدام داره اغلب الولاد..
مباش يشوفلهم و فتح الباب..
أيوب: يا عليك يوم!!
ايهم: كانكم عليا خلوه يقتله..
بشير صكر باب الدار وشاف ل زيد اللي كان يشرب في جمال ف اميه..
زيد حط الطاسه وشاف ل بشير..
بشير: اطلع برا..
زيد: مش تكملوا عليه!
بشير: انت عارف ان ولد عمك واحد خامر .. وشوه بنت عمتك ومزلت تشرب فيه في اميه .. انهنيك على ضميرك اللي يخدم في مكان مش محله .. هي تحرك خير ما نطلعك انا!
جمال: اطلع يا زيد..
زيد خدي نفس بقوه وطلع من الدار..
بشير وخر الكرسي شوي وقعمز قعد يشوف ل جمال وهو ساكت..
فكرة ان ولده موصله للحاله هادي خلت شيء داخله يفرح .. وفي نفس الوقت ميبيش ولاده همجيين هكي..
بشير: حاتتحاسب على تشويه بنتي ..
جمال بهزوه: ومنظري هاده مسدكش يا راجل عمتي؟ .. ومتخممش عليها بنتك شوهتها باش ناخدها انا .. يعني مش حاتقعد بدون راجل ..
بشير قعد يشوف ل جمال بجمود.. وفي داخله يقول كيف قعد هكي حقير الولد هاده؟؟
