علاء اصغر من رياض ب 3 شهور .. عاقل وهادي شخصيته مع رياض غير عن شخصيته مع اي حد اخر... وتقدروا تقولوا ايمن قدر يدير لروحه مكانه في قلب علاء في فتره قصيره..
بوه عبدالهادي استاذ لغه عربيه ومدير مدرسه ثانويه للولاد.. يحب ولاده التنين وطيب هلبا مهما غلطوا مستحيل يزعل منهم..
وبالنسبه ليه ولاده مدايرهم أصدقاء ليه .. ومقرب ليهم هلبا
امه عائشه فرفاشه وتحب الهدرزه وحتى هي ولأنها عاشت هلبا مع عبدالهادي وطلق عليها .. وولادها تعامل فيهم ديما وكأنهم صغار .. بحكم انهم راس ولدين بس اللي عندها..
سليمان خو علاء الكبير .. وتقدروا تقولوا مثله الأعلى وعلاء متعلق فيه هلبا ..
علاء لما يتعفلق يفضل انه يقعد بروحه ويسكت ..
طبعاً يحاسب في من آذاه لكن بطريقه عقلانيه تخليه معش يفكر يرد يقربه..
لذلك ديما يقولوا سكات علاء اوعر من كلامه..
