الأخ سند؟
من قال؟
للأسف نبي نوضح ..
الأب سند و وهو عايش حايقعد خوك سند..
مجرد ما يمشي من هالدنيا..
حايطح سندك..
بتعيشي ب سند يبي مقابل!
سند ميسمحلكش حتى تتناقشي معاه او تحكيله شن يرهقك..
او يفهم على الطاير ان في شيء صايرلك!
متقوليش خوك سندك
وانا منقولكش ان كل الناس خوتهم مش سند بالعكس لكل قاعده شواذ..
ونعرف في هلبا خوت ماشاء الله مع خواتهم..
بس للأسف في حتى هلبا خوت مش مبعتبرين ان عندهم اخت..
او يعبروا في اخت ويفوتوا الأخرى ك تفضيل..
او عندهم الأخت خدامه بدون مقابل
او وحده معندهاش احساس عادي نمسح بكرامتها الأرض ومش حايتغير شيء
وشكراً
كلام مش من فراغ..
حبيت نحطه في البدايه باش تفكروا ب توسع لما بتقروا الروايه..
ومتعمموش الكلام..
متاخدوشي ك تعميم..
في الخير وفي الشر في الدنيا هادي
بنحاول نوضحلكم الجيهتين
والوسط ما بيناتهم
