التفكير المفرط طبيعي في حالة صايرتلك مصيبه وتفكر فيها ..
اما تقعد قلت لفلان كيف حالك .. وبعد يمر الوقت شوي تقعد تفكر .. علاش؟ كيف؟ امتى؟ شن صار؟ كيف صار؟
هاده يُعرّف ك متلازمة التفكير المفرط..
الحاجه لما تفوت حدها .. تنقلب ضدها!
علاء كان صاحب تفكير مزمن من فتره ..
بس منقولش متلازمه .. نقول مصيبه حلها فيها ..
النقاش مع خوه ومعاتبته بالكلام وبعدين ينهوا كلامهم بحظن ..
حل المشكله اللي مسببه ل علاء التفكير المفرط..
تو بيجيني شخص راسه مربع بيقولي باهي انا نحب فلان ونفكر فيه ليل نهار.
الحل منه فيه سؤالك .. تحب فلان .. تحب فلان معناها شن؟؟
بتقعد تفكر فيه ليل نهار غصبا عنك!
ممكن بعد تنحل مشكلة علاء وسليمان .. تجي مشكله اخرى تخلي علاء عنده تفكير مفرط الله أعلم!
.
.
.
.
.
المستشفى مفضاش..
قعدوا طالعين خاشين على علاء ..
بس الوحيد اللي مخشش خوه ..
رغم ان عارف انه قاعد واقف برا..
وعارف علاش ميبيش يخش..
عارفين شن ناقص ايمن ورياض اي ارقيله وتقعد قهوه الدار متع علاء..
عرس حسني كان بعد اسبوع من توا..
خلاص بيأجله .. عمه الهادي قاله والله ماك مأجله!
لذلك خلاه ..
وقعدوا خواته وامه حايسات..
.
.
.
.
هبه طلعت وصكرت باب الحوش متع بوها..
وصلت قدام حوش جدها فتحت الباب المردود وخشت..
