مع اني باعتبر حالي طويلة بال.. وماشية على قاعدة (إلتمس لاخيك سبعين عذرا).. الا انه أوقات في ناس بأتصعب أتفهم إلحاحهم على اشياء غريبة😣.. القصة انه مريض عندي من عشرين سنة . ..شخصيته صعبة..😖رجل كبير بالعمر ... حالته المادية ممتازة وما عنده مشكلة بالفلوس.. ☺️(عقبال عنا أجمعين 😂) ..جهاز الضغط الالكتروني اللي عنده بيشتغل عادي بس بطّل يعطي ضوء للارقام..وهذا النوع من الاجهزة بعد الاتصال مع الوكيل بطلوا يصنعوها .. الاجهزة الجديدة ما بتعطي ضوء.. إنما الرجل أصر الا بده جهاز حتى لو من النوع القديم المهم بيضوي...😣..تعب المندوب معي .. بدّل له اياه بواحد جديد عشان ما يزعله.. وما في فايدة ..😔..انا بصراحة صبري كان قد بدأ ينفذ.. 😤لدرجة اني قلت له : يا ابو فلان .. الشركة مش مقصرة معك .. وبدهم يبدلولك الجهاز بواحد جديد رغم ان الكفالة منتهية..ومع اني عارفة انه عندك مثله .. قام قال لي : انا بصراحة يا ام حكم لما اصحى بالليل تعبان وبدي افحص ضغطي .. كنت استعمل هذا الجهاز ويضوي لي الارقام .. من غير ما أضطر اصحّي زوجتي أقلقها ولا حد من الاولاد يفحص لي ولا اضطر أضوي الضو عشان اشوف النتيجة !!!😳.. 😔😔😔.. يااااه أبداً ما خطر على بالي هيك سبب..😔.الرجل طلع حساس وما بده يغلّب حدا معه 😳 .. رنيت عالمندوب وقلت له : الله يرضى عليك !! بدي تجيب لي الجهاز اللي بيضوي لو من تحت طقاطيق الارض!!! ..😂😂😂
#يوميات_صيدلانية
