في مؤتمر الرضاعه الطبيعيه اللي حضرته اليوم.. استفدت كتير من المحاضرات القيّمه لأطباء الأطفال .. لفت نظري ضمن نتائج استفتاء ل٥٠٠ سيده اردنيه..أن الشخص رقم واحد اللي كان بيشجعها على الرضاعه مش أمها ولا حماتها .. وإنما زوجها 😳..هو اللي كان يحثها ويقنعها بفوائد الرضاعه الطبيعيه ..وسرحت بخيالي ..هي تقول لزوجها : هات لي معك حليب أطفال ورضّاعه !! (عشان تتنفس شويه😊)..وهو يشرح لها انه حليبها أحسن ..نظيف ومعقم ..ساخن ما بده غلبه.. جاهز ..دايما معها وين ما تروح ..ما بيخلّص ولا بيبرد ..ما رح تنقطع وين ما كانت.. وأي وقت بيبكي البيبي شبّيك لبيك حليبَك بين إيديك !! 😊..بيكفي فوائد تحسين المناعه اللي فيه!!! مش عارفه أنا .. أصدق انه الاب فعلا مقتنع بكل هالاسباب ولا هدفه الاساسي تفكير انه الرضاعه الطبيعيه أوفر له مادياً!!!؟؟؟؟ 😳 وطبعا هيك كمان بيرتاح من مهمه انه ممكن يمسك الرضّاعه ويعطي البيبي الحليب.. 😏بتكون المهمه مختصه بالام فقط😊..بلا حليب اطفال بلا رضّاعه !!!😊😊😊
